RU

Последние новости

08:40Бухорога Суперлига ўйинларини қайтариш ҳаракати бошланди  0 08:17Sofascore. Захирадан майдонга тушган Ўрибоев энг катта баҳолардан бирини олди  0 07:52"CAFA Nations Cup-2025" . Қўшниларимиз ўзаро дуранг ўйнаган учрашувдан ФОТОГАЛEРEЯ  0 07:25"Ал Иттиҳод" мавсумни йирик ғалаба билан бошлади. Бенземадан хет-трик  0 02:31Ла Лига. "Реал" ўз уйида икки дақиқада 2 та гол уриб, "Мальорка"ни мағлуб этди  25 02:25А Серия. "Наполи" ва "Рома"да минимал ғалаба, "Аталанта" Пармада дуранг қайд этди  1 02:20Лига 1. "Тулуза" ва ПСЖ ўртасидаги ўйинда 9 та гол урилди  1 02:16Туркия Суперлигаси. "Ризеспор" Истанбулда "Галатасарой"га мағлуб бўлди, Алиқулов 73 дақиқа ўйнади  4 01:05Бундеслига. "Аугсбург" ва "Бавария" ўртасидаги ўйинда 5 та гол урилди  4 01:01Карлуш Кейруш: "Очиғини айтаман, бугун ғалаба қозонишимиз керак эди"  17 00:30Кападзе: "Кечирасизлар, лекин интернетда ёзилаётган нарсалар барчага таъсир қилмоқда"  48 23:35Бельгия Про лигаси. "Антверпен" меҳмонда мағлубиятга учради, Ўринбоев захирадан ўйинга қўшилди  1 22:37Гарначо 40 млн фунт эвазига янги клубига ўтди  7 22:11Ла Лига. "Атлетико" бу сафар "Алавес"ни юта олмади. Симеоне жамоаси уч ўйинда 2 очко жамғарди  2 22:09Ровшан Мередов: "Бундай турнирлар орқали нималар қўшишимиз кераклигини кўриб оляпмиз"  8

Эксперт минбари. Ислом Аҳмедов: “Австралия сафида икки нафар индивидуал кучли футболчи бор” Новости

Эксперт минбари. Ислом Аҳмедов: “Австралия сафида икки нафар индивидуал кучли футболчи бор”

Австралия - Ўзбекистон учрашуви олдидан "Championat.asia" сайти етакчи мутахассисларимиздан эксперт фикрини тақдим этади.

БААдаги Осиё Кубогини ОФК эксперти сифатида кузатиб бораётган ҳамюртимиз Ислом Аҳмедовга бир қатор саволлар билан мурожаат қилдик.


- Ўзбекистон - Австралия ўйинидан нималар кутяпсиз?
- Бу баҳсдан барча ўзбекистонлик мухлислар каби терма жамоамизнинг ғалабасини кутаяпман!

- Сиз ОФК эксперти сифатида мусобақани кузатиб бормоқдасиз. Австралия терма жамоаси ўйинларини ҳам кузатдингизми?
- Мен бу жамоанинг гуруҳдаги барча ўйинларини томоша қилдим. Дастлабки икки турда Австралия фақат натижа учун ўйнади. Фақат учинчи турга келиб, ғалаба зарур бўлганида тезликни оширишди ва осонлик билан керакли натижани қўлга киритишди.

- Улар кўпроқ қандай тактика асосида ўйин кўрсатишяпти?
- Жамоа асосан тўпни назорат қилиш орқали ҳужум ташкил этади, таркибда икки нафар индивидуал кучли футболчи бор. Бу 21-рақамдаги қанот ҳужумчиси (Авер Мабиль) ва 9-рақамдаги марказий ҳужумчи (Жейми Макларен). Улар якка ўзлари ўйин тақдирини ҳал қилиб қўйишлари мумкин. Бундан ташқари 23-рақамдаги футболчи (Томас Рогич) ҳам фойдали ўйнамоқда. Сурия билан баҳсда барча ҳужум айнан у орқали амалга оширилди. Жуда тартибли, яхши ташкил этилган жамоа, ақлли тарзда ҳимоялана олишади, тўп уларда бўлганида нима қилишни яхши билишади.



- Ўзбекистон терма жамоаси ниманинг ҳисобига Австралияни ютиши мумкин?

- Бизнинг жамоада индивидуал кучли футболчилар жуда кўп. Осиё Кубогидаги ҳеч бир жамоада биздаги каби индивидуал кучли ўйинчилар йўқ. Бизда тезда ҳужумга ўтиш яхши чиқмоқда, деярли барча голларимиз тезкор ҳужумлардан сўнг урилди.

Ўзбекистон терма жамоасининг ҳимоясида муаммолар бор. Шу боис ҳимояга ётиб олиш керак эмас, тўп билан бўлсак тезкор қарши ҳужумга ўтиш имкони бўлса шундай қилиш шарт! Агар тезкор ҳужум ташкил этишнинг имкони бўлмаса, тўпни имкон қадар кўпроқ ўзимизда сақлаб туришимиз керак. Ҳимояда имкон қадар камроқ ўйнашимиз даркор. Рақиб тўп билан бўлганида уни иккинчи зонада қарши олиш керак, тўпни эгаллаб олганимиз заҳоти қарши ҳужумга ўтишимиз керак. Бу ҳозирча бизнинг энг кучли томонимиз.

Акрамжон Мамадалиев суҳбатлашди



Рейтинг: +42   

Комментарии

championat.asia
< посмотреть последние новости
Яндекс.Метрика