Дунёнинг энг бой киберспортчилари: Кучли 25таликда Ўзбекистонда туғилган йигит бор
25 мая 2020 14:11
Новости

Дунёнинг энг бой киберспортчилари: Кучли 25таликда Ўзбекистонда туғилган йигит бор

Коронавирус пандемияси туфайли барча спорт мусобақалари тўхтатилди ва номаълум муддатга қолдирилди.

Бир неча кун аввал баъзи мамлакатларда футбол лигалари давом эта бошланган бўлсада вирус киберспорт мусобақаларига ҳалал бера олмади. Компьютер ўйинлари ишқибозлари ҳар куни мусобақалар доирасида ўтказилаётган ўйинларни томоша қилишмоқда. Кўпчилик "Киберспорт - бекорчилар хоббиси, у орқали пул топиб бўлмайди" деб ўйлайди, аммо адашасиз. Эътиборингизга киберспорт оламининг энг бой вакилларини ҳавола қиламиз.

Дунёнинг энг бой киберспортчилари
Ўрин	Исм	Ник	Даромад ($)	Ўйин тури	Мамлакат
1	Йохан Сундштайн	N0tail	6,906,166	Dota 2	Дания
2	Жесси Вайникка	JerAx	6,470,000	Dota 2	Финляндия
3	Анатан Фам	ana	6,000,411	Dota 2	Австралия
4	Себастьян Дебс	Ceb	5,501,233	Dota 2	Франция
5	Топиас Таавитсайнен	Topson	5,414,446	Dota 2	Финляндия
6	Куро Тахасоми	KuroKy	5,176,688	Dota 2	Германия
7	Амир Ал Бакрави	Miracle_	4,740,318	Dota 2	Иордания
8	Иван Иванов	MinD_ContRoL	4,531,393	Dota 2	Болгария
9	Марун Мерҳож	GH	4,134,326	Dota 2	Ливан
10	Лассе Урпалайнен	Matumbaman	3,662,181	Dota 2	Финляндия

Dota 2 бўйича норасмий жаҳон чемпионатидаги мукофот жамғармаси 30 млн. доллардан ошгани туфайли унинг ғолиблари бошқа ўйин миллионерларини рўйхатнинг пастки поғоналарига тушириб юборди. Мазкур рейтингнинг 22-ўрнини Ўзбекистонда туғилган - Артур Бабаев (Arteezy) эгаллаб турибди. Айни дамда Канада фуқароси ҳисобланадиган 23 ёшли Артур Dota 2 ўйинида ҳозиргача 2,204,860 АҚШ доллари ишлаб топган.

Киберспортда даромад топиш рейтингида АҚШ етакчилик қилмоқда. Америкалик киберспортчиларнинг ҳозирга қадар қўлга киритган ютуқлари 140,460,058 долларни ташкил қилади.

Киберспортда энг кўп даромад (мамлакатлар бўйича)
Ўрин	Мамлакат	Даромад ($)	Киберспортчилар сони
1	АҚШ	140,460,058	16465
2	Хитой	108,815,383	4410
3	Жанубий Корея	90,087,796	3867
4	Швеция	37,262,507	2461
5	Дания	35,359,331	1463
6	Франция	28,071,943	3529
7	Канада	27,303,878	2680
8	Россия	25,786,927	3399
9	Германия	25,345,779	4046
10	Финляндия	24,801,992	1473

Ушбу рейтингда Ўзбекистон 64-поғонани банд қилган. Мамлакатимизда 38 нафар киберспортчи мавжуд. Ўзбекистонлик ўйинчилар ҳозиргача 461,635 АҚШ доллари ишлаб топган. Қизиғи, кўрсатилган пулларнинг 333,635 доллари бир киберспортчимиз ҳисобига ёзилган. Унинг исми Акбар Бўтаев (Sonneiko). Бир қанча вақт Dota 2 бўйича дунёнинг энг машҳур жамоаси - Na'Vi сардори бўлган Акбар ҳозирда Европанинг номдор NiP (Ninjas in Pyjamas) клуби шарафини ҳимоя қилади.