Дониёр Ҳасанов: “Хорижда йиғин ўтказамизми ёки йўқми билмайман"
24 дек 2016 17:14
Новости

Дониёр Ҳасанов: “Хорижда йиғин ўтказамизми ёки йўқми билмайман"

Тошкентнинг “Обод” жамоаси қишки йиғинни 20 декабрдан бошлаб юборди. Жамоа ўтган йилгига ўхшаб хорижни йиғин ўтказадими ёки йўқ, ҳозирча номаълум.

“Биз ҳам барча жамоалар сингари 20 декабрдан қишки йиғин машғулотларини бошлаб юборганмиз. “Обод” жамоасининг олий лигадаги дебют учрашувлари бироз қийинчиликлар билан ўтган бўлсада бироз омадли келди. Насиб қилса келаси йил жиддий ўйин кўрсатиб ижобий натижалар қайд этишга интиламиз.

Айни дамда жамоада ижара асосида ўйнаган бир қатор футболчилар ўз клубларига қайтиб кетишди. Уларнинг ўрнига футболчилар келишмоқда. “Андижон”дан Акмал Турсунбоев, Анвар Раҳимов каби футболчилар биз билан бирга машғулот ўтказмоқда. Ҳозирча хорижда йиғин ўтказамизми ёки йўқ, билмайман. Барчаси янги йилдан сўнг маълум бўлади”, - дейди “Обод” футболчиси Дониёр Ҳасанов.

Жаҳонгир Сотволдиев