Дмитрий Плетнёв - "Динамо" футболчиси
21 июл 21:36
Новости

Дмитрий Плетнёв - "Динамо" футболчиси

2025 йилги мавсумнинг биринчи қисмини "Сурхон"да ўтказган Дмитрий Плетнёв фаолиятини Самарқандда давом эттиради.

Мавсумнинг иккинчи қисмига Беларусда тайёргарлик кўраётган "Динамо" Плетнёвни ўз сафига қўшиб олганини эълон қилди.

Россиялик 27 ёшли ярим ҳимоячи ҳамда Самарқанд клуби ўртасидаги битим 2026 йилнинг охирида якунига етади.

Санкт-Петербургнинг "Зенит" клуби тарбияланувчиси саналмиш Плетнёв Россия ўсмирлар жамоаси сафида ЖЧ-2015да иштирок этган. Шунингдек, у Россиянинг "Зенит", «"Томь", "Балтика", Қозоғистоннинг "Атирау", Беларуснинг "Арсенал" ва сўнгги икки мавсум давомида Термизнинг "Сурхон" жамоаси шарафини ҳимоя қилиб келаётганди.

Плетнёв жорий мавсум "Сурхон" сафида 12 та ўйинда майдонга тушиб, 1 та гол урди ва 2 та голга ассистентлик вазифасини бажарди.