Диёр Имомхўжаев: "Фақат хато қилган ҳакам эмас, клуб ҳам жазоланиши керак"

У 2024 йилдаги ҳакамлик билан боғлиқ воқеаларни унутолмаслиги ва айбдорларнинг барчаси жазоланишини кутаётганини билдирди. 

"Ҳакамлик ва унинг атрофидаги муносабат бўйича жуда кўп фикрларим бор. Бироқ эфирда билдиришни хоҳламайман. Айтишим мумкин бўлган нарса, менга икки марта ҳакамларга жавобгарликни таклиф этишган, мен эса рад этганман.

Ўтган йили ҳам нимадирлар бўлган бўлса, қайси биридир атайлаб қилинмаганига сиз кафолат беролмайсиз-ку. Бу жуда оғир мавзу. Кимдир менга ҳакамлик ҳақида ёзса, жаҳлим чиқиб кетади. Олдингига нисбатан хотиржам одамга айланганман. Аммо ҳакамлик бўйича камчиликларни мендан сўрашлари ёқмайди. Мени Лига раҳбари сифатида танийсиз, мен бирор марта тайинловларга аралашмаганман. 

Мен талаб қиладиган ягона нарса – хато қилган одамнинг жазоланиши. Жазоланганда фақат ҳакам эмас, клуб ҳам жазо олиши керак. Этика қўмитасининг охирги йиғилишида ҳакамлик масаласи кўриб чиқилган. Бундан ПФЛнинг кўнгли тўлмаган ва қайта шикоят киритган. Иш қайта кўриб чиқилиб, томонлар тегишли жазосини олиши лозим. Кутиб ўтибмиз ҳозир.

Кимлар учундир 2024 йилги бу мавзу унутилгандир, бундан манфаатдор томонлар бор. Бироқ мен учун тугамади, буни унутишни хоҳламайман", – деди Имомхўжаев.

"90minutuz" подкасти тўлиқ ҳолда: