Де Лигт “Ювентус”дан кетади...ми?
07 июн 2020 08:08
Новости

Де Лигт “Ювентус”дан кетади...ми?

“Ювентус” ҳимоячиси Маттейс де Лигт жамоасини тарк этиши мумкинлиги ҳақидаги хабарларга ўз муносабатини билдирди.

“Шубҳасиз, мен “Юве”да бахтлиман. Эътибор қилсам, сўнгги вақтларда – пандемия боис биз тўп теполмай турган вақтимизда кимдир мен ҳақимда баъзи гап сўзларни тўқиб чиқарибди. Менга бор вужуди билан машғулотларда тер тўкаётган футболчилар билан ишлаш ёқади. Кундан кунга ҳолатим яхшиланиб бораётганига ишончим комил. Шу сабаб “Ювентус”да бахтлиман.

Машғулотлар ҳақида гапирадиган бўлсам, айни пайтда вазият анча юмшаган. Дастлаб биз кичик гуруҳларда машғулот ўказиб, бир биримизга тегиб кетмаслигимиз лозим эди. Сўнгги вақтларда барча биргаликда машғулот ўтказмоқда”, дея Лигтнинг сўзларидан иқтибос келтирмоқда Tuttosport.

Де Лигт 2019 йилда “Аякс”дан “Ювентус”га кўчиб ўтганди. Жорий мавсумда футболчи А серияда 20 та учрашувда майдонга тушиб, 2 та гол уришга эришди. Футболчининг туринликлар билан шартномаси 2024 йилнинг 30 июнига қадар мўлжалланган.

Ссылка :

Источник : Tuttosport

Получайте новости прямо в Telegram!

Рейтинг: +4