Даврон Файзиев: "Бугун ҳисоб 10:8 бўлиши мумкин эди"

"Олий лига бошқа, кубок умуман бошқа мусобақа. Ҳар бир жамоанинг ўз мақсади бор. Бугун ягона гол ўйин тақдирини ҳал қилди. 1:0 ҳисобидан хурсандман. Ўз уйимизда гол ўтказмадик ва ғалаба қозондик. Имкониятлардан фойдаланиш фоизини ҳисобласак жуда паст бўлади. Агар иккала жамоа вазиятлардан тўлиқ фойдалана олганида 10:8 ёки 6:7 бўлиши мумкин эди. Бугун қўқонликлар посбони жуда яхши ўйнади. Кубокда қўйилган мақсадимиз узоқроққа бориш.

Жавоб баҳсидан олдин имкониятларни тенг баҳолайман. Сабаби биз сафарда ўйнаймиз. Қўқонда қандай мухлислар борлигини жуда яхши биламиз. Ўзбекистонда бу мухлислар ажралиб туришади. Олий лига доирасидаги "Олмалиқ"қа қарши ўйин кутиб турибди. Ўша баҳсдан сўнг Қўқондаги учрашувга тайёргарликни бошлаймиз", - дейди Даврон Файзиев.