Давид Де Хеа мавсум ва Жозе Моуриньо ҳақида гапирди

Де Хеа "Юнайтед" таркибида 7 мавсумдан буён ўйнамоқда ва кўп бора "Олтин қўлқоп"га даъвогарлик қилди. Айни дамда у АПЛда "қуруқ ўйин" ўтказиш борасида етакчилик қилмоқда.

"Бу мавсумдан кўнглим тўлмоқда, ўз олдимга қўйган кўплаб вазифаларни бажара олдим, деб ўйлайман. Йил давомида ўзимни, жисмоний ҳолатимдан кўнглим тўқ бўлди, ўзимни яхши ҳис қиляпман. Умид қиламанки, мавсум якунига қадар шу тарзда давом этаман ва Испания терма жамоаси билан Жаҳон чемпионатида омадли иштирок этаман.

Мураббийимиз жуда яхши. У ҳар бир учрашувда ғалаба қозониш йўлларини излайди. У олдимизга қўйилган вазифани бажаришда керакли ишларни қила олади", - деди Де Хеа.