“Челси”нинг барча легионерлари Лондонга қайтди

Коронавирус пандемияси вақтида карантинни Лондондан ташқарида ўтказаётган “Челси” легионерлари клуб ихтиёрига қайтиб келди.

Лондонга Кепа, Виллиан, Матео Ковачич, Педро, Маркос Алонсо, Эмерсон, Андреас Кристенсен ва Кристиан Пулишич қайтгани хабар қилинмоқда. Энди улар машғулотларга киришишга рухсат беришларини кутади.

Эслатиб ўтамиз, АПЛда танаффус эълон қилингунга қадар “Челси” 29-турдан сўнг мусобақа жадвалида 4-ўринни банд этиб турганди.

Маълумот учун, АПЛда мавсум июндан бошлаб давом эттирилиши кутилмоқда.