RU

Последние новости

08:21Ўзбекистон U-23 ва U-21 терма жамоалари таркибида биттадан ўзгариш содир бўлди  0 08:10МЛС. "Интер Майами" иродали ғалаба қозонди. Месси гол урди, Алба 89-дақиқада ҳал қилувчи голга ассистентлик қилди  1 07:53Sofascore. Шомуродов кечаги баҳсда қандай баҳога лойиқ кўрилди?  0 07:25А Серия. "Ювентус" ва "Лацио" йирик ҳисобда мағлуб бўлди. "Интер" эса сафарда ишончли ҳисобда ғалаба қозонди  1 05:25Алиқулов расман терма жамоамизнинг март ойидаги ўйинларида ёрдам бера олмайди. Унинг ўрнига ким чақирилгани маълум  27 03:57Иван Бошкович: "Ўз мухлисларимиз қаршисида мағлуб бўлиш аламли, мен кўпроғини кутгандим"  4 03:36"Манчестер Юнайтед"нинг "Орзулар театри": "Олд Траффорд" тарихи (мутолаа учун)  1 03:20Сергей Лушан: "Ўйиннинг сўнгги қисмида фаоллашишимиз тактика билан боғлиқ ҳолат эди"  7 03:04АПЛ. "Манчестер Юнайтед" аутсайдерни йирик ҳисобда мағлуб этди  9 03:02Ла Лига. "Барселона" "Атлетико"ни даҳшатли камбэк эвазига мағлуб этди  186 01:39Педру Морейра: "Бизнинг ўйин услубимизни яхшироқ тушунадиган футболчиларга кўпроқ имконият берамиз"  7 00:31Иско АПЛга йўл олиши мумкин  5 23:48Журналист Элиас: "Бюджети 1,1 млрд евро бўлган "Реал" устози Анчелотти 72 соатлик танаффуссиз ўйиндан шикоят қилди. Бюджети 200 млн евродан кам бўлган "Бетис" ҳозиргача 11та шундай ўйин ўтказди"  18 23:33Миржалол Қосимов: "Рақибимиз баҳсни уч нафар марказий ҳимоячи билан бошлашимизни кутмаган эди"  12 23:31Англия лига кубоги. "Ньюкасл" финалда "Ливерпуль"ни мағлуб этиб, бош совринга эга чиқди  32

“Чарм тўп-2019” анъанавий футбол мусобақаси якуний босқичда Новости

“Чарм тўп-2019” анъанавий футбол мусобақаси якуний босқичда

Теги :  Чарм тўп
Ўзбекистон Республикаси Вазирлар Маҳкамасининг “Маҳалла ёшлари ўртасида “Чарм тўп” анъанавий футбол мусобақасини ташкил этиш ва ўтказиш тўғрисида”ги 1-сон йиғилиш баёни билан мамлакатимиз миқёсида 18 ёшдан 30 ёшгача бўлганлар ўртасида футбол мусобақаларини юқори савияда ташкил этиш вазифаси белгилаб берилганди.

Мазкур мусобақани ўтказишдан кўзланган бош мақсад – аввало юртимиз аҳолиси орасида соғлом турмуш тарзини кенг тарғиб қилиш, ёшлар, айниқса уюшмаган ёшларни ягона мақсад йўлида бирлаштириш, уларга ўз иқтидорини намоён этишлари учун катта майдон яратиб беришдан иборат. Олдинга ўтиб айтиш керак, вазифа ортиғи билан уддаланди.

Шу ўринда таъкидлаш жоиз, футбол дунёда энг севимли ва оммалашган спорт тури саналади. Бежиз унга “миллионлар ўйини” дея таъриф берилмаган. Юртимизда ҳам чарм тўп ихлосмандлари жуда кўп. Шунинг учун бўлса керак, маҳалла ёшлари ўртасида “Чарм тўп” анъанавий футбол мусобақасини ўтказиш ғояси юртдошларимиз томонидан жуда яхши кутиб олинди.

Асосий ижрочилари сифатида Жисмоний тарбия ва спорт вазирлиги, Ўзбекистон ёшлар иттифоқи, Фуқароларнинг ўзини ўзи бошқариш органлари фаолиятини мувофиқлаштириш бўйича Республика кенгаши, Миллий Олимпия қўмитаси ҳамда Ўзбекистон футбол ассоциацияси белгиланган мазкур мусобақа тўрт босқичда ташкил этилди.


Биринчи босқич – 26-31 июль кунлари маҳаллалар ўртасида ўтказилган бўлса, иккинчи босқич эса 2-10 август оралиғида туман ва шаҳарлар босқичида ташкил этилди. 10-20 августга белгиланган учинчи босқичда Қорақалпоғистон Республикаси, вилоятлар ҳамда Тошкент шаҳри кесимида ғолиблар сараланди. “Чарм тўп-2019” анъанавий футбол мусобақасининг учинчи босқичи жойларда юқори савияда ташкил этилди. Бу борада биринчи бўлиб Тошкент шаҳридан Республика босқичида пойтахт шарафини ҳимоя қиладиган жамоа аниқланган бўлса, улар бошлаган ишни қолганлар ҳам давом эттиришди ва қисқа муддатда барча ҳудудлардан энг кучли жамоалар саралаб олинди. Кези келганда шуни ҳам таъкидлаш жоиз, ўйинлар юксак савияда, кескин ва муросасиз курашлар остида кечди.

Спорт мусобақасида ғолиб томон аниқлангани каби мағлуб ҳам топилади. Бироқ, ҳар доим ҳам мағлубиятга учраган жамоа айбни ўзидан ахтаравермайди, аксинча, ҳакам ёки ташкилотчилар “айбдор”га чиқарилаверади. Аммо, “Чарм тўп” футбол мусобақаларида бундай ҳолатлар деярли кўзга ташланмади. Бу эса мусобақа анча юқори, профессионализмга хос даражада ташкил этилганидан далолат.

25 августдан бошлаб пойтахтимизда “Чарм тўп-2019” анъанавий футбол мусобақасининг ҳал қилувчи тўртинчи босқич ўйинларига старт берилади. Унда саралаш босқичининг якунларига кўра Қорақалпоғистон Республикаси, барча вилоятлар ҳамда Тошкент шаҳри кесимида энг зўр, деб топилган 14та жамоа бош соврин учун кураш олиб боради.

Мусобақанинг ҳал қилувчи гуруҳ босқич ўйинлари 25-27 август кунлари “Бунёдкор” футбол академиясига қарашли майдонларда ўтказилади. Мухлислар ўз суюклиларини бемалол қўллаб-қувватлашлари учун ўйинларга кириш бепул қилиб белгиланди.



Ниҳоят финал ўйини 28 август куни соат 18:00да “Миллий” стадионда бошланади. Мамлакатимизнинг бош аренасида тўп тепиш ҳар кимга ҳам насиб этавермайди. Шу маънода “Чарм тўп-2019” анъанавий футбол мусобақасининг финал ўйини иштирокчилари ўзларини профессионал чарм тўп усталаридек ҳис қилишлари учун ажойиб имконият тақдим этилмоқда.

Бу ҳали ҳаммаси эмас. 28 август оқшомида “Миллий” стадионга келган мухлислар аввало қизиқарли футбол ўйинига гувоҳ бўлишади. Шу билан бирга ўзбек эстрадасининг ёрқин юлдузлари иштирокидаги концерт дастури уларга унутилмас онларни тақдим этишига шубҳа йўқ.


Жисмоний тарбия ва спорт вазирлиги матбуот хизмати

Рейтинг: -2   

Комментарии

championat.asia
< посмотреть последние новости
Яндекс.Метрика