Бугун футбол. "Сурхон" - "Турон"

Термизда "Сурхон" Яйпаннинг "Турон" клубини қабул қилади. Бугун сурхондарёлик мухлислар турнир жадвалининг қуйи поғоналарида бораётган икки жамоанинг ўзаро баҳсига гувоҳ бўлишади. "Сурхон" 8-тур якунларига кўра, 4 очко билан 13-поғонада бораётган бўлса, ҳали битта ҳам ғалабага эришмаган "Турон" уч очко тўплаган ҳолда охирги ўринни эгаллаб турибди. 

Термизликлар шу пайтгача бир мартадан ғалаба ва дуранг қайд этиб, 6 бор мағлуб бўлишди. Тўплар нисбати 3-14. "Турон" ҳисобида эса учта дуранг ва 5та мағлубият бор. Тўплар нисбати 4-12. 

"Сурхон" ўзининг ягона ғалабасини дастлабки турда "Металлург" устидан қўлга киритиб, бунда майдон эгалари 1:0 ҳисобида зафар қучишди. Шундан сўнг бу жамоа бир марта дуранг ўйнаб, қолган ўйинларда имкониятни бой берди. Яна бир факт шуки, "Сурхон" қаторасига беш ўйиндан бери фақат мағлубиятга учраяпти. 

"Турон" эса мавсумни кетма-кет икки мағлубият билан бошлаб, 3-турда "Локо" билан дуранг қайд этди. Шундан сўнг яна бешта беллашувда майдонга тушган яйпанликлар икки дуранг ва уч мағлубият қайд этишди. Охирги учта беллашувни ўз майдонида ўтказган "Турон" "Пахтакор" билан 1:1 ўйнаб, АГМК ва "Қизилқум" билан кечган баҳсларда бир хил 0:1 ҳисобида мағлуб бўлди. 

Кўриниб турибдики, бугун Термизда "жанг" бўлади, зеро ҳар икки клубга ҳам ғалаба сув ва ҳаводек зарур. Ва бу ўйинда ким фаворит эканлигини яққол айтиш мушкул.

Сурхон Нуриддин Хасанов - 68'

Суперлига. Тур 9 19/05/2021, 17:30 0 : 1 Завершен

Турон

45'

90'

68'  Нуриддин Хасанов

Открыть в Матч-Центре