Буффон: «Икки йил олдинги ҳолат такрорланганидан афсусдаман»
24 дек 2016 08:43
Новости

Буффон: «Икки йил олдинги ҳолат такрорланганидан афсусдаман»

«Ювентус» посбони Жанлуижи Буффон «Милан»га қарши Италия Суперкубоги учун ўйиндан кейин ўз фикрларини билдирди.

«Рақиб гол урди ва ташаббусга эришди. Икки йил олдинги ҳолат такрорланганидан хафаман.

Қўшимча вақтга етиб бормаслигига умид қилгандик. Чарчоқ туфайли бундай бўлди деб ўйламайман, таркибимиз бунга кўниккан.

Дастлабки 25 дақиқада «Милан» қийналди, ўйин тақдирини ҳал қилишимиз мумкин эди. Иккала жамоа ҳисобида вазиятлар бўлди, аммо мағлуб бўлдик. 2016 йил биз истагандек тугамади, аммо бу футбол», — дейди Буффон.