Бу қизиқ. “Металлург” – “Насаф” учрашувида яна Зокир Қодиров ишлайди

Ушбу учрашув Бекободда “Ўзбекистон Республикаси тоғ ва металлургия саноати ишчиси куни” кенг нишонланиши муносабати билан 16 май кунига кўчирилганди.

Мазкур учрашувни навоийлик Зокир Қодиров бошчилигидаги ҳакамлар бригадаси бошқариб бориши маълум бўлди. Унга қанотларда пойтахтлик Равил Шояхметов ҳамда Набижон Рўзиевлар ёрдам беришади. Ўринбосарлар учрашувида бош ҳакам бўлиб ишлаган Рустам Лутфулин эса асосий таркиблар ўйинида заҳира ҳаками вазифасини бажаради.

Шу ўринда учрашув бош ҳаками Зокир Қодиров ўтган мавсум маъданчиларнинг “Насаф”га қарши ўтказилган ҳар иккала учрашувида ишлаганлигини айтиб ўтиш лозим. Бу тасоддифми ёки атайинми, билмадик, ҳар ҳолда 2016 йилги чемпионатнинг “Металлург” – “Насаф” биринчи тўқнашувини ҳам навоийлик ҳакам бошқарадиган бўлди. яна бир қизиқ жиҳати, ўтган мавсум томонлар сафар учрашувларида кичик ҳисобда зафар қучишганди. Қаршида учрашувнинг 5-дақиқасида Аюбхон Нўъмонов томонидан киритилган гол ўйин тақдирини ҳал этган бўлса, Бекободдаги ўйинда Артур Геворкяннинг голи ягоналигича қолганди. Бундан ташқари Зокир Қодиров 2015 йилги мавсумда “Металлург”нинг 1-турдаги “Локомотив”га (0:0) қарши ва 30-турида “Шўртан”га (1:0) қарши кечган учрашувларида ҳам фаолият юритган.

 
16 май (душанба)
«Металлург» (Бекобод) – «Насаф» (Қарши)
Ҳакамлар: З. Қодиров (Навоий), Р. Шояхметов (Тошкент), Н. Рўзимов (Тошкент), Р. Лутфулин (Тошкент)
Назоратчи: Р. Серазетдинов (Тошкент).

"Металлург" матбуот хизмати