"Боруссия" дарвозабони Холандда пасайиш кузатилаётганини айтди
25 янв 2020 11:07
Новости

"Боруссия" дарвозабони Холандда пасайиш кузатилаётганини айтди

"Боруссия" дарвозабони Роман Бюрки Германия чемпионати доирасидаги "Кёльн"га қарши ўйинда дубл қайд этган жамоа форварди Эрлинг Холанд ҳақида гапирди.

19 ёшли норвегиялик форвард дебют ўйинида захирадан майдонга тушиб, хет-трик қайд этган эди.

Холанд кечаги ўйинда ҳам захирадан тушди ва 2та гол урди.

"Афсус, унда пасайиш кузатилмоқда: бошида 3та эди, энди 2та (кулади). Умид қиламанки, у кейинги ўйинда атиги битта гол урмайди.

Жиддий айтадиган бўлсак, у ажойиб йигит. Унда топ-ўйинчи бўлиш учун ҳамма нарса бор", - дейди Бюрки.