Бобур Зуҳриддинов: "Дерби қизиқарли кечади"
19 мар 2016 10:24
Новости
![](https://championat.asia/upload/storage/201933_original.jpg)
![](/upload/storage/201933_220.jpg)
Бобур Зуҳриддинов: "Дерби қизиқарли кечади"
Биз бўлажак ўйин олдидан "Обод" мураббийи Бобур Зуҳриддиновнинг фикрлари билан қизиқдик.
"Оқ-тепа"га қарши кечадиган ўйин қизиқарли ва томошабоп бўлишига шубҳа йўқ, - деб сўз бошлади Бобур. - Сабаби бу икки жамоа ўтган йил олий лига йўлланмаси учун астойдил кураш олиб боришган ва унда омад бизга кулиб боққанди. Ваҳоланки 2-босқичда "Оқ-тепа" бизни ҳар иккала ўйинда ҳам мағлуб этганди. Бироқ улар мана шу устунликдан фойдалана олишмаганди. Шу боис бугун рақибимиз бизга астойдил қаршилик кўрсатса ажабланмайман. Бундан ташқари "Оқ-тепа" сафида ўтган мавсумларда "Обод"да ўйнаган уч нафар футболчи ҳаракат қилмоқда. Бу ҳам ўйинга бўлган интиригани оширади, деб ўйлайман.
- Рақиб жамоада бош мураббий ўзгарди. Бу "Оқ-тепа" ўйинига қандай таъсир қилади деб ўйлайсиз?
- Бу борада бир нарса дейишим қийин. Маълумки ҳар гал мураббийнинг ўзгариши жамоа ўйинига ўз таъсирини кўрсатмасдан қолмайди. Шундай экан бу ҳол "Оқ-тепа"нинг ҳам ўйин услубига таъсир қилиши табиий. Қолганини майдонда кўрамиз.
- Кубок баҳсларида жамоа олдига қандай вазифа қўйилган?
- Биз ҳар бир ўйинда майдонга фақат ғалаба учун тушамиз ва имкон қадар узоқроққа бормоқчимиз.
Похожие новости
![AMP Logo](https://championat.asia/image/logo-amp.png)
Комментарии