Бобур Йўлдошев: “АГМК бу йил совринли ўринларни эгаллашга интилади”

Режага кўра, жамоа аъзолари 2 февраль куни Туркманистон терма жамосига қарши ўртоқлик учрашувида майдонга тушди. Унда бош мураббий Миржалол Қосимов иккита таркиб, шунингдек турли тактик чизмаларни синовдан ўтказди. Мазкур баҳсдан сўнг АГМК ҳимоячиси Бобур Йўлдошев қисқа фикрларини билдирди.

“Амирликларда йиғин маромида ўтмоқда. Ҳаммаси кўнгилдагидек Машғулотларда асосан жисмоний тайёргарликка ва тактик томонларга эътибор қаратилмоқда. Шунингдек кўпроқ тўп билан ҳам ишлаяпмиз. Шубҳасиз бу йил совринли ўринларни эгаллашга интиламиз.

Битта ўртоқлик учрашувини ўтказдик. Туркманистонни 1:0 ҳисобида мағлуб этдик. Олдинда яна учта назорат баҳси бўлиб ўтиши кутиляпти. Ўйиндан-ўйинга шаклланиб яхши спорт формасига кириб борамиз деб ўйлайман. Чемпионат стартида энг мукаммал ҳолатда бўламиз”,- дейди Бобур Йўлдошев.

Абдулазиз Искандаров ёзиб олди