"Барселона"нинг барбод бўлган яна бир трансфери ҳақида биласизми?
02 сен 2017 13:40
Новости

"Барселона"нинг барбод бўлган яна бир трансфери ҳақида биласизми?

"Барселона" клуби "Ливерпуль"дан Филиппе Коутиньони сотиб ола билмади.

Бундан ташқари, клуб "Наполи"га Лоренцо Инсинье борасида таклиф билан чиққан эди. Лекин, "Наполи" раҳбарияти "Барселона"нинг таклифини рад этди. Буни "La Gazzetta dello Sport" нашри тасдиқлади. Манбанинг маълумотига кўра, испанлар 26 ёшли футболчи учун неаполликларга 100 миллион евро таклиф қилишган.

Олдинроқ, Италия клуби президенти Аурелио Де Лаурентис Инсинье фақат у ўлганидан кейингина Каталония жамоаси аъзосига айланиши мумкинлигини маълум қилган эди.

Эслатиб ўтамиз, Инсинье "Наполи" таркибида 2011 йилдан бери тўп тепади. Шу вақт ичида у клуб таркибида 217та ўйин ўтказди ва 50та гол урди.