"Барселона" қишда Умтити билан ҳайрлашмоқчи. У барибир майдонга тушмайди

"Барселона" клуби ўз ҳимоячиси Самуэль Умтити билан январь ойида хайрлашиш ниятида. 27 ёшли ҳимоячи ушбу мавсумда расмий ўйинларда бир дақиқа ҳам майдонга тушгани йўқ.

Клуб ҳимоячидан ўтган ёзнинг ўзидаёқ воз кечмоқчи эди. Аммо, Умтити барча таклифларни рад этиб клубда қолишга қарор қилганди. 

Ҳозирда клуб қийин аҳволдалиги сабаб, майдонга тушмаётган барча футболчилардан қутилиш ниятида. Агар франциялик бунга рози бўлмаса, қаттиқроқ чоралар кўрилиши мумкин. Унга бўлган таклифлар ҳали ҳамон бор ва футболчи улардан бирини танлашига тўғри келади.