Баҳром Ҳайдаров: "10 киши бўлиб қолган бўлсак-да, ҳисобни сақлаб қолдик ва вазифани бажардик"

- Ўйин ҳақида 

- Бугунги ўйин натижаси икки жамоа учун ҳам жуда муҳим эди. Чунки Суперлигада қолиш учун кураш бўлди. Учрашув тенг курашлар остида ўтди деб ўйлайман. 10 киши бўлиб қолган бўлсак-да, ҳисобни сақлаб қолдик ва вазифани бажардик. Йигитларга, жамоа ходимлари ва раҳбариятига раҳмат. Бутун Сурхондарё халқини, мухлисларини ғалаба билан табриклайман!

- Мавсум бошидан буён Баҳром Ҳайдаров фаолияти хусусида ишончсизлик бор эди. Ўша ишончсизлик бугун сезилмади. Сизни мавсум давомида танқид қилган мухлислар ёки мутахассислар ҳақида фикрингиз?

- Албатта, ҳар бир мураббий доим танқид остида қолади. Бу жуда яхши нарса деб ўйлайман. Ишлашдан тўхтамаймиз. Биз ҳалол меҳнат қилиб, Худога шукрки, вазифамизни бажардик. Тўғри, 10-ўрин зўр натижа эмас. Лекин ёшлардан ва ўтган йили ўзини кўрсата олмаган футболчилардан иборат янги жамоа тузилганди. Ҳозир бир нечта футболчимизга таклифлар келиб тушмоқда, бу ўйлайманки, ҳамма борини бериб, меҳнат қилгани самараси.  

- "Сурхон" клуби жамоани ёшартириш йўлига ўтди. Кейинги мавсумда ҳам шу тизим асосида иш олиб бориладими?

- Албатта, агар академиялар қурилса, боғлиқлик бўлса, узилиш бўлмаса, шундай бўлади. Ўйлайманки, шу йўлдан борилади.