Баҳодир Аҳмедов: "Ёш футзалчиларимиздан кўнглим тўқ"
25 июл 2019 16:24
Новости

Баҳодир Аҳмедов: "Ёш футзалчиларимиздан кўнглим тўқ"

Кеча футзал бўйича Ўзбекистон миллий терма жамоаси Қирғизистоннинг "Эрем" клубига қарши иккинчи назорат ўйини ўтказди ва 6:0 ҳисобида ғалаба қозонди.

ФОТО Ўзбекистон МТЖ Қирғизистон чемпионини йирик ҳисобда мағлуб этди

Учрашувдан кейин терма жамоамиз бош мураббийи Баҳодир Аҳмедовнинг фикрлари билан қизиқдик.

- Йигитларнинг бугунги ўйинидан кўнглим тўлди, яхши ҳаракат қилишди. Камчиликлар йўқ эмас, кейинги машғулотларда улар устида ишлаймиз. Умуман олганда бу болалардан кўнглим тўқ.

- "Эрем"га қарши биринчи ўйинда 5та тўп ўтказиб юборилган эди, бугун эса нолга ўйналди...

- Таркибимизда 90 фоиз янги ўйинчилар, ўз навбатида илк бор ўйнаган дарвозабон ҳам бор эди. Миллий терма жамоада биринчи марта тўп тепган футзалчиларимизда ҳаяжон кучли бўлганди. Айнан шунинг эвазига хатолар кўп бўлди. Кейин йигитларга ҳар бир хатоларини видеоёзувда кўрсатиб бердик ва ҳаяжонни босиб кўрсатмаларни бажаришларини уқтирдик. Йигитлар кўп нарсани тез илғаб олишмоқда ва бу бизни хурсанд қилмоқда.