Азизбек Тўлқинбеков: "Ҳаммаси энди бошланди, ҳиссиётларга берилишга эрта"
23 сен 18:21
Новости

Азизбек Тўлқинбеков: "Ҳаммаси энди бошланди, ҳиссиётларга берилишга эрта"

Фарҳод Нишонов бошчилигидаги Ўзбекистон U-20 терма жамоаси бугун U-20 Осиё Кубоги саралаш босқичидаги юришини бошлади.

Голларга бой ўтган ўйинда терма жамоамиз Камбоджани 7:0 ҳисобида мағлубиятга учратди. Мазкур учрашув қаҳрамонларидан бири Азизбек Тўлқинбеков фикрларини билдириб ўтди.

"Саралашдаги биринчи ўйин жуда яхши ўтди дея оламан. Дастлабки дақиқаларда мослашиш бироз қийин бўлди, лекин буни енгиб ўтдик. Ҳиссиётларга берилишга ҳали эрта, чунки энди бошладик. Ҳали қиладиган ишларимиз жуда кўп. Албатта, ҳар бир ўйинга жиддий эътибор берамиз.
Рақибларга мен баҳо беришим нотўғри бўлади. Биз рақиб даражасига қараб ўйнамаймиз. Саралашдаги ҳамма ўйин муҳим. Мақсадимиз – биринчи ўринни қўлга киритган ҳолда кейинги босқичга чиқиш", – дейди Азизбек Тўлқинбеков.

Маълумот учун, вакилларимиз навбатдаги учрашувини 25 сентябрь куни Непалга қарши ўтказади.

Ссылка :

Источник : Championat.asia

Получайте новости прямо в Telegram!

Рейтинг: +1