Азиз Амонов: "Эронда футбол учрашувида тўхталиш кам. Ҳакамлар курашга қўйиб беришади"

Футболчи бугунги машғулот аввалида "Истиқлол"га кўникиш, Ўзбекистон ва Эрон футболи ўртасидаги фарқ ва бошқа саволларга жавоб бериб ўтди. 

- Янги жамоангизга мослашиш жараёни қандай кетяпти?

- Мослашиб кетиш яхши бўлди. Жамоадаги йигитлар илиқ қабул қилишди. Ҳозирда биринчи ўринда кетмоқдамиз. Мана шу ўринимизни сақлаб қолишимиз керак. 

- Эрон ва ўзбек футболи ўртасидаги фарқ ҳақида...

- Асосан курашларга асосланган. Эронда ҳакамлар курашга қўйиб беришади. Тўхталишлар кам. Жамоалар очиқ футбол таклиф қилишади. Ўзбекистон чемпионати ҳам кучли. 

- Машғулотлардаги тафовутни сездингизми?

- Охиригача ҳаракат қилишади. Ўзбекистон чемпионатига нисбатан техник эмас. Эронда реклама, медиа жуда ривожланган. Машғулот жараёнларини кўрсатишади. Асосий фарқ витаминизацияда бўлиши мумкин. Ўйиндан кейин шу нарсалар ривожланган. 

- Тил борасида муаммога учрамадингизми? Жамоадаошларингиз билан қайси тилда гаплашяпсиз?

- Ингилиз тилини ўрганмоқдаман. Асосан ингилиз тили орқали мулоқот қилишга ҳаракат қиляпман. 

- Эрон клубига ўтганингиздан сўнг инстаграмдаги обуначиларингиз кескин кўпайди. Ушбу жиҳат сизни хайрон қолдирмадими?

- Эронда мухлислар футболни жуда яхши кўришини айтишганди. Терма жамоадан таклиф олганимдан хурсандман. Ишқибозларни хурсанд қилиш учун ҳаракат қиламиз.