RU

Последние новости

00:36Клаудио Раньери "Рома"га келаётганини тасдиқлади. Тез орада клуб мураббийни таништиради  2 23:52Машарипов ва Турғунбоев сафга қайтди. Ўзбекистон МТЖ Қатарга қарши муҳим ўйин олдидан расмий машғулот ўтказди  1 23:29Ўзбекистон терма жамоаси Қатарга қарши муҳим ўйин олдидан расмий машғулот ўтказди  2 22:54Флик "Барселона"га "Байер" ҳимоячисини олиб келмоқчи  1 22:30Умар Эшмуродов ФИФА сайтига интервью берди  5 22:02Тебас: "Мбаппе "Реал"га келганда, энди уларни мағлуб қилиб бўлмайди дейишганди. Футбол математика эмас"  8 21:35Қатар термаси бош мураббийи Маркес Лопес: "Ўзбекистоннинг кучли ва заиф томонларини алоҳида ўргандик"  12 20:57Ансу Фати яна жароҳат олди. Футболчи бу сафар қанча муддатга сафдан чиқди?  6 20:30"Рома" Туркия бош мураббийи билан алоқага чиқди  3 20:02Бентанкур корейслар ҳақидаги хазили туфайли 7 ўйинга четлатилиши мумкин  0 19:41Киммих "Бавария"дан кетадими? Футболчи жавоб берди  0 19:14Тедеско бош мураббий экан Куртуа Бельгия термасига қайтмайди  2 18:38Ўзбекистон терма жамоасининг Қатарга қарши ўйин олди матбуот анжумани (тўлиқ)  54 18:09Мойес Англия Премьер-Лигасига қайтиши мумкин  0 17:45Сульшер қайси жамоа учун мураббийликка қайтишини айтди  1

Азамат Абдураимов: "Ёзги трансферлар ойнаси вақтида таркибни кучайтиришимиз керак" Новости

Азамат Абдураимов: "Ёзги трансферлар ойнаси вақтида таркибни кучайтиришимиз керак"

Про лиганинг тўққизинчи туридан ўрин оган "Янгиер" - "Хоразм" (0:0) учрашувидан сўнг мезбонлар бош мураббийи Азамат Абдураимов фикрларини билдириб ўтди.

"Ўйин курашларга бой тарзда ўтди. Бунга қадар "Хоразм" иштирокидаги учрашувларни кўриб ўрганиб чиққандик. Рақиб яхши шаклланган жамоа. Сафарда ҳаракат қилишига қарамасдан ҳимоявий эмас, ҳужумкор футбол таклиф қилади. Йигитларга осон бўлмаслигини тушунтиргандик. Иккинчи бўлимда икки жамоада ҳам гол уриш учун бир нечта вазиятлар юзага келди. Натижа қайсидир маънода ёмон эмас. Жамоага келганимга кўп бўлмади. Иложи борича стандарт вазиятлар устида кўпроқ ишлашимиз зарур. "Хоразм" билан ўйин бу борадаги камчиликларимизни кўрсатиб берди",- дейди Азамат Абдураимов.

- Жамоада яна қандай ислоҳотлар қилиш керак, деб ўйлайсиз?

- Умуман олганда жамоани ёмон, дея олмайман. Яхши футболчилар жамланган. Ҳозирча футболчилар билан танишмоқдаман. Уларнинг имкониятларини, нималарга қодирлигини билишга ҳаракат қиляпман. Нукусдаги ўйинга қараганда "Хоразм"га қарши баҳсда таркибда олтита ўзгаришни амалга оширдик. Қаердадир жароҳатлар ёки бошқа омиллар бунга сабаб бўлди. Ўтган турда сафарда кўпроқ қарши ҳужум тактикасига таянган бўлсак, бугун учта ҳужумчи билан майдонга тушдик. Легионерлар Файсал, Мбеке ва Жероме бор кучлари билан ўйнашмади. Натижада ўзгаришга қўл уришга мажбур бўлдик. Абдумалик Абдуллаев, Жонибек Мирзақулов, Санжар Баратов ўйинга қўшилди. Ҳимоямизда ҳам камчиликлар кўзга ташланди. Қарши ҳужумда гол қўйиб юборишимиз ҳам мумкин эди. Ҳужумда вазиятларимиз бўлди. Шу боис жамоамни ёмон ўйнади, дейиш ноўрин. Улар ўз даражаларида ҳаракат қилишди. 

- Кейинги ўйиндаги рақиб "Динамо" жамоаси...

- "Динамо" Суперлига йўлланмаси учун курашмоқда. Улар "Хоразм"дан ҳам жиддий рақиб. Буни кийиниш хонасида ҳам таъкидладим. Йигитларга икки кунлик ҳордиқ чиқариш имконини берамиз. Чунки соат бешда ўйнаш жуда қийин. Ўзим ҳам футболчи бўлганим учун йигитларни тушунаман. 40 градус иссиқда тўп тепиш ўзимас. Лекин бу баҳона бўлмаслиги керак. Икки жамоа ҳам бир хил шароитда тўп тепди. "Динамо" билан ўйинга қадар тикланишимиз лозим. Хатоларни кўриб чиқамиз, таҳлил қиламиз. Мақсадимиз кучли бешликка кириш. Демак ҳар бир ўйинда ғалаба учун майдонга чиқамиз.

- Ўйин охирида бекор қилинган голга муносабатингиз...

- Учрашув бош ҳакамидан бу ҳақида сўраганимда тўп қўлга текканини айтди. Юқорида таъкидлаганимдек стандарт вазиятлар устида ишлашимиз лозим. 

- Ёзги трансферлар ойнаси вақтида жамоанинг неччи фоизи ўзгаради? Янги келадиган футболчилар аниқми?

- Таркибни кучайтиришимиз керак. Июнь ойида қўл остимдаги бор футболчилар билан ўйнаймиз. Балки кимлар биландир хайрлашармиз ёки бошқа жамоадан янги футболчи жалб қилармиз.  Жамоада 25 нафар футболчи бор. Уларнинг барчасини ҳали тўлиқ билмаслигим ҳам мумкин. Июнь охирида барчаси аниқ бўлади. Лекин кучайишимиз керак. Ҳам натижа, ҳам ўйин бобида. Бугун ютиб олганимизда кайфиятимиз яхшиланарди. 

Рейтинг:    

Комментарии

championat.asia
< посмотреть последние новости
Яндекс.Метрика