RU

Последние новости

07:25"Ал Иттиҳод" мавсумни йирик ғалаба билан бошлади. Бенземадан хет-трик  0 02:31Ла Лига. "Реал" ўз уйида икки дақиқада 2 та гол уриб, "Мальорка"ни мағлуб этди  20 02:25А Серия. "Наполи" ва "Рома"да минимал ғалаба, "Аталанта" Пармада дуранг қайд этди  1 02:20Лига 1. "Тулуза" ва ПСЖ ўртасидаги ўйинда 9 та гол урилди  1 02:16Туркия Суперлигаси. "Ризеспор" Истанбулда "Галатасарой"га мағлуб бўлди, Алиқулов 73 дақиқа ўйнади  4 01:05Бундеслига. "Аугсбург" ва "Бавария" ўртасидаги ўйинда 5 та гол урилди  4 01:01Карлуш Кейруш: "Очиғини айтаман, бугун ғалаба қозонишимиз керак эди"  17 00:30Кападзе: "Кечирасизлар, лекин интернетда ёзилаётган нарсалар барчага таъсир қилмоқда"  38 23:35Бельгия Про лигаси. "Антверпен" меҳмонда мағлубиятга учради, Ўринбоев захирадан ўйинга қўшилди  1 22:37Гарначо 40 млн фунт эвазига янги клубига ўтди  6 22:11Ла Лига. "Атлетико" бу сафар "Алавес"ни юта олмади. Симеоне жамоаси уч ўйинда 2 очко жамғарди  2 22:09Ровшан Мередов: "Бундай турнирлар орқали нималар қўшишимиз кераклигини кўриб оляпмиз"  8 22:00Қирғизистон бош мураббийи: "Майдон ҳолати сифатли футбол кўрсатишга йўл қўймади"  7 21:55CAFA Nations Cup-2025. Ўзбекистон — Ўмон 1:1   30 21:32"CAFA Nations Cup-2025" Ўзбекистон илк ўйинда Кейруш бошчилигидаги Ўмонни юта олмади  376

Азамат Абдураимов: "Ўзбек футболи тубдан ислоҳотларга муҳтож" (матн+видео) Новости

Азамат Абдураимов: "Ўзбек футболи тубдан ислоҳотларга муҳтож" (матн+видео)

Кеча Тошкентдаги "Radisson BLU" меҳмонхонасининг конференциялар залида "Ўзбекистонда спорт ташкилотларини бошқариш ва жаҳон тажрибаси" мавзусида конференция ташкил этилди.

Бунда спорт ва футболга алоқадор кишилар сўзга чиқиб ҳозирги ўзбек спорти ва футболи ҳақида ўз фикрларини билдиришди. Конференция охирида собиқ футболчи, ўз вақтида "Андижон", "Динамо" каби клубларда ишлаган Азамат Абдураимов ҳам футболимизнинг бугунги ҳолати тўғрисида ўз фикрини баён этди. 

- "Шу ўринда мен ҳам ушбу конференция юзасидан ўз фикримни билдиришни истардим, - дейди Азамат Эркинович. - Бу ерда ўзбек футболи ривожи учун ўзгариш бўлишини хоҳлайдиганлар йиғилган десам адашмаган бўламан. Биз исталганча болалар футболидаги муаммолар ҳақида гапиришимиз мумкин, лекин бу ҳозирги пайтда кун мавзуси эмас. Кун тартибидан ўрин олган масала шуки, ишни аввало футбол федерациядаги тизимни ўзгартиришдан бошлаш керак. Негаки федерация ҳозирги кун спорт талабларига жавоб бермаяпти. Бизда бош котиб ва вице-президент бир киши ва у ҳеч қандай қарор қабул қилмайди. Бизда фақат федерация раҳбаригина муҳим қарорларни қабул қила олади. Шу боис ҳам федерациянинг ишлаш тизимида ўзгариш бўлишини хоҳлаймиз. 

Азамат Абдураимов болалар футболига ҳам қисман тўхталиб ўтди: 

- "Вячеслав Солохо бизда болалар футболи яхши йўлга қўйилган деб айтди, аммо охирги икки йилда ёшлар ва ўсмирлар терма жамоаларимиз жаҳон чемпионатига чиқа олишмади. Олимпиячиларимиз Олимпиада ўйинларига боришмади. Мана энди миллий терма жамоамиз ҳам жаҳон чемпионатидан қуруқ қолди. Демак, бизда ҳаммаси ҳам яхши эмас. Аммо шуни айтиш керак, ўзбек футболи ўлгани йўқ, ўзбек футболи тирик ва ҳеч қандай Бабаян уни ўлдира олмайди. Фақат биз жудаям секин ривожланяпмиз. Олий лига савияси тушиб кетган. Шундай экан, ўзбек футболини ўз соҳасининг билимдонларига топширган маъқул". 

Абдураимов шунингдек, ўзбек футболи тубдан ислоҳотларга муҳтож деди:

- "Ўз вақтида мен ҳам Россия футбол иттифоқида ишлаганман ва у ерда техник директор, спорт директори каби лавозимлар бор. Бизда эса спорт директори йўқ, техник директор лавозимидаги киши эса ўз ишини билмайди. Ҳозирги шароитда ҳукумат бизга ёрдам бериб ўзбек футболини инқироздан олиб чиқишда қарашиши керак. Биз трансляциялар учун телевидениедан пул олмаймиз, атрибутика ва чипталар сотуви яхши эмас. Фақат давлат томонидан берилаётган ёрдам туфайлигина футболимиз бир амаллаб оёқда турибди. Лекин бу ҳол қачонгача давом этади? ЎФФ президентлиги учун сайловга кам вақт қоляпти, лекин номзодлар номини ҳалиям билмаймиз. Бу эса ўзбек футболи тубдан ислоҳотларга муҳтож эканини кўрсатади. Агар тизимни ўзгартириб, жиддий назоратни йўлга қўя олсак футболимиз албатта ривожланади.


TAS-IX



TAS-IX эмас


Рейтинг: +44   

Комментарии

championat.asia
< посмотреть последние новости
Яндекс.Метрика