“Аякс” “Реал” футболчисини 2 йилга ижарага олиши мумкин

Айни дамда “Витесс” жамоаси ижара асосида тўп сураётган Мартин Эдегорни “Реал” сотмоқчи эмас, бироқ клуб уни яна ижарага бериши мумкин. Футболчига асосий даъвогар эса “Аякс” бўлиб турибди. Маълум бўлишича, клублар яқин кунларда футболчининг ижараси бўйича музокара ўтказади. Амстердам жамоаси уни 2 йилга ижарага олишни кўзламоқда. Жорий мавсум Эдегор Нидерландия чемпионатида 29 та ўйинда иштирок этиб, 6 та гол урди ва 9 та голли узатмани амалга оширди.