Австралия U-23 бош мураббийи: "Миллий жамоамизнинг ЖЧга чиққани бизга мотивация беради"

Ўйиндан олдинги матбуот анжуманида Австралия бош муррабийи Тревор Морган ва футболчи Ремми Нажарин иштрок этишди.

- Эртанги ўйин олдидан фикрларингиз...

- Эртанги ўйин бизнинг футболчиларимизга ўзини кўрсатиши учун жуда ҳам ажойиб имконият. Ўйинни сабрсизлик билан кутяпман, менга қўйиб беришса-ю, бугун ўйнасак...

- Авваламбор, миллий жамоангиз ЖЧга йулланма олгани билан табриклайман. Миллий жамоангизни мундиалга йўлланма олиши U-23 жамоангизга эртанги ўйинга руҳий тарафдан қанчалик устунлик беради?

- Раҳмат. Албатта биз миллий жамоамизни ЖЧда кўришдан жуда хурсандмиз ва бу биз учун аниқ мотивация бўла олади. Аммо, биз эртанги ўйинда фикримизни жамлаган ҳолда ғалаба қозонишимиз шарт.

- Эртанги рақибингиз бўлмиш Саудия Арабистони турнир доирасида умуман гол ўтказмади ва сиз уларни қандай тарзда тўхтатмоқчисиз?

- Ўз режам бор, аммо буни сизга айта олмайман. Уларни тўхтатишни бир йўли гол уришимиз кераклигидадир. Биз ҳам фақат битта гол ўтказиб юборганмиз ва ўйлайманки, бу деярли бир хил нарса.

- Эртага сизнинг жамоангиз Саудия Арабистони билан учрашади ва ўша куни Ўзбекистон Япония билан ўйнайди. Бу тўқнашувда ким ғалаба қозонади деб ўйлайсиз?

- Ўйлашимча, натижани олдиндан айта олиш иложсиз, аммо чорак финалга эътибор берсангиз, Ўзбекистон Ироққа қарши характер кўрсатди, Японияда эса ўйин сифати топ даражада. Ўйлайманки, эртага жуда қизиқ учрашувлар бўлади.

- Саудия Арабистони таркибидаги қайси футболчи энг хавфли деб ўйлайсиз?

- Рақибимиз таркибида жуда кўп истеъдодли уйинчилар бор, аммо мен эртанги асосий таркибни билмайман, — деди Тревор Морган.

- Футболчи Ремми Нажариннинг фикрлари...

- Жуда ҳам ҳаяжондамиз, ўйлашимча эртага ажойиб ўйин гувоҳи бўласиз, — дея қўшимча қилди Ремми Нажарин.