Австралия бош мураббийи: "Агар ўз ўйинимизни кўрсатсак, Гондурас бизга қаршилик қила олмайди"

Хабарингиз бор, Гондурасда кечган биринчи учрашувда 0:0 ҳисобида қайд этилган, шундай экан Австралияни исталган ҳисобдаги ғалаба қониқтиради. Австралия бош мураббийи Анге Постекоглу ўйиндан олдин берган интервьюсида шундай деди: 

"Мен 11та энг кучли футболчини танлаб оламан ва биз фақат ғалаба учун ўйнаймиз. Биринчи ўйинда кўп футболчиларимиз жароҳат туфайли майдонга туша олишмади. Ўйлайманки, жавоб учрашувида оптимал таркибда бўламиз".

"Биз Гондурас"ни  яхшилаб ўргандик. Улар кучли рақиб ва хавфли жамоа. Гондурас ҳатто Мексикага жиддий қаршилик кўрсата олган. Лекин мен учун энг муҳими шогирдларимнинг қай ҳолатда бўлиши. Агар ўз ўйинимизни намойиш эта олсак, Гондурас бизни тўхтата олмайди".

Анге Постекоглу шунингдек, жамоа етакчиси Тим Кэйхилл ҳақида ҳам тўхталиб ўтди: "У ўйинга тўлиқ тайёр. Кэйхилл бизнинг асосий футболчимиз ва ундан умидимиз катта".