"Атлетико" "Реал" футболчиси билан шартнома бўйича келишиб олди
18 июн 2019 12:54
Новости

"Атлетико" "Реал" футболчиси билан шартнома бўйича келишиб олди

"Реал" ярим ҳимоячиси Маркос Льоренте "Атлетико" билан шартнома масаласида шахсан ўзи келишиб бўлди.

Клублар ҳам трансфер бўйича шартнома имзолашга яқинлар.

"Атлетико" Льорентега ёзда клубдан кетиши кутилаётган Родри ўрнига номзод сифатида кўрмоқда.

24 ёшли Льоренте "Реал" тарбияланувчиси ҳисобланади. "Реал" уни 2016-2017 йилларда "Алавес" клубига ижарага берган.

Маркоснинг отаси, Франсиско Льоренте ҳам футболчи бўлган. У ҳам айнан "Реал" шарафини ҳимоя қилган. Ҳатто унинг амакиси, Хулио Льоренте ҳам футболчи бўлган ва фаолиятини "Реал"да бошлаган, аммо у "Тенерифе"даги ўйинлари билан танилган.