"Атлетико" клуби яна бир трансферни амалга ошириш учун ишга киришди

Marca нашрининг маълумот беришича, "матрасчилар" "Наполи"га ўтишга яқин турган Хамеснинг трансферини амалга оширишни жуда исташмоқда. Колумбиялик футболчи ҳам Испания пойтахтида қолишни афзал кўрмоқда, лекин ушбу келишувга биргина тўсиқ "Реал" раҳбарияти бўлиши мумкин. Улар ЛаЛигадаги асосий рақибларидан бирига футболчи сотишни ҳуш кўришмайди.

Шундай бўлса-да, Зинедин Зидан 12 июль куни 28 ёшга тўлган футболчини ўзининг режаларига киритмаган ва катта эҳтимол билан Хамес янги мавсумни бошқа клубда бошлайди. Айни пайтда унга "Атлетико" ва "Наполи" жамоалари давогарлик қилишмоқда.

Аввалроқ, "матрасчилар" "Бенфика"дан  Жоао Феликсни рекорд сумма эвазига харид қилишганди.

Хамеснинг отаси ўғли "Атлетико"га ўтишига шаъма қилди