"Атлетико" Бернарду Силвани "Ман Сити"дан харид қилмоқчи. Симеоне уни 2016 йилдан бери кузатади

Мадрид клуби 26 ёшли хавбек билан ёзги трансфер ойнасида шартнома имзоламоқчи. "Атлетико" келаси мавсум Чемпионлар Лигасида муваффақиятли иштирок этиш учун таркибни кучайтирмоқчи.

"Атлетико" бош мураббийи Диего Симеоне португалияликни таклиф этишга қизиқмоқда ва уни 2016 йилдан бери кузатади.

Силва учун курашда "Атлетико"нинг устунлиги клуб раҳбарияти ва ўйинчининг агенти Жорже Мендеш ўртасидаги ўрнатилган яхши муносабатлардир.

Агар Бернарду Силва кетса, "Манчестер Сити" "Астон Вилла"дан Жек Грилишни харид қилишга уриниб кўради.

Хабарларга кўра, агар португалиялик жамоасини ўзгартиришга қарор қилса, "шаҳарликлар" уни қўйиб юборишади. Футболчининг амалдаги шартномаси 2025 йилга қадар мўлжалланган.

Ярим ҳимоячи "Ман Сити"да 2017 йилдан бери ўйнайди. Футболчи ўтган мавсум АПЛ доирасидаги 26та ўйинда майдонга тушиб, 2та гол ва 6та ассист қайд этди.