Ашурматов жамоаси K-лигага чиқиш учун яна бир муҳим қадамни ташлади
19 окт 2019 11:44
Новости

Ашурматов жамоаси K-лигага чиқиш учун яна бир муҳим қадамни ташлади

Бугун Жанубий Корея K2 лигаси доирасидаги "Гвангжу" ва "Аньян" клублари ўртасидаги ўйин бўлиб ўтди.

Ўзбекистонлик ҳимоячи Рустам Ашурматов ўйнаётган "Гвангжу" клуби ўз уйида "Аньян"ни 4:0 ҳисобида мағлуб этди. Ашурматов мазкур ўйинда доимгидек тўлиқ 90 дақиқа ҳаракат қилди. "Гвангжу" 33 турдан сўнг 70 очко тўплаган ҳолда мусобақа жадвалининг биринчи поғонасида бормоқда. Чемпионат якунланишига эса 3 тур қолган. "Гвангжу" эса иккинчи ўриндаги "Бусан И'Парк"дан 10 очко илгарилаб кетган.

"Бусан И'Парк" 33-турда ўз майдонида "Ансан Гринерс"ни қабул қилади. Майдон эгалари ушбу баҳсда мағлубиятга учрашса, Рустам Ашурматов жамоаси муддатидан олдин чемпионлик масаласини ҳал қилган бўлади.

Жанубий Корея. К2 лигаси. 33-тур
"Гвангжу" - "Аньян" 4:0
Голлар: Фелипе Де Соуза Силва (2, 11), Жу-Гун Ким (25, 70)