"Арсенал" яна икки футболчиси билан шартномани узайтиради

"Тўпчилар" кеча бразилиялик ҳужумчи Габриэл Мартинелли билан узоқ муддатли битим тузганини маълум қилган эди. Энди Англия Премьер-лигаси вакили Букайо Сака ва Вильям Салибалар билан амалдаги келишув муддатини бир неча йилга чўзиб қўймоқчи.

Франциялик марказий ҳимоячи Салиба "Арсенал"га 2019 йилнинг 25 июлида келиб қўшилган. Унинг клуб билан кучда бўлган шартномаси 2024 йил ёзида ниҳоясига етади. Ҳимоя чизиғи вакили жорий мавсумда "Арсенал" либосида жами 23 та ўйинда майдонга тушди.

21 ёшли англиялик вингер Букайо Сака "Арсенал" тарбияланувчиси бўлиб, 2019 йил ёзида клуб билан профессионал битимга имзо чеккан. Унинг амалдаги шартномаси 2024 йил ёзида якун торади. 100 млн еврога баҳоланаётган футболчи ушбу мавсумда АПЛ вакили сафида 27 та ўйинда 8 та гол ва 7 та асист натижасини қайд этди.