Аргентинага қарши баҳсдан олдин Оби Микел отасини ўғирлаб кетишган экан

26 июнь куни, гуруҳ босқичининг сўнг учрашувидан бир неча соат олдин 31 ёшли хавбек отаси ўғирлаб кетилганини билди.

Оила вакилларидан бири Оби Микелга қўнғироқ қилди ва у ўғриларга қўнғироқ қилиши кераклигини айтди. "Тьянжин Теда" футболчиси бу ишни бажарди ва унга пул олиб келишни айтишади. Жиноятчилар Оби Микел кимгадир бу ҳақида айтса, отасини ўлдириш билан таҳдид қилишди.

Футболчининг отаси Па Микел Оби мотам маросимига кетаётганида, Нигерия жануби-шарқида ўғирлаб кетилди. Полиция уни озод қилишга муваффақ бўлди, аммо ўйинчининг отаси бир ҳафта давомида қаттиқ қийноққа солинган экан ва айни дамда касалхонада даволанмоқда.

Бу Оби Микелнинг отаси иккинчи марта ўғирланиши. Биринчи марта шундай воқеа 2011 йилда содир бўлган.

"Отам жиноятчилар қўлида эканлигида футбол ўйнайдим. Жароҳатим ҳақида (қўлдаги шикастланиш) унутишга тўғри келди.

Нима қилишни билмадим, бироқ 180 млн. нигерияликларга панд бермаслигим кераклигини тушундим. Ҳаммасини унутиб, ўз ватаним шарафини ҳимоя қилдим.

Жиноят ҳақида кимгадир айтсам отамни отиб ташлашларини маълум қилишди. Буни мураббий билан муҳокама қилишни истамадим, чунки менинг муаммоим уни ёки жамоани чалғитишини истамадим.

Бахтимга отам қутқарилди. Бу ишда катта ёрдам берган полиция ва ҳукуматга раҳмат айтаман.

Афсуски, отам касалхонада" - дейди Оби Микел.