Антонио Конте: “Ҳозир “Барселона” эмас, Премьер-лига ҳақида ўйлашимиз керак”
11 дек 2017 23:04
Новости

Антонио Конте: “Ҳозир “Барселона” эмас, Премьер-лига ҳақида ўйлашимиз керак”

“Челси” клуби бош мураббийи Антонио Конте футболчиларни “Барселона” эмас, аксинча, ички чемпионат ҳақида ўйлашга чақирди.

Қуръа натижасига кўра, “Челси” клуби ЕЧЛ 1/8 финалида “Барселона”га қарши баҳс олиб боради. Лондонликлар бош мураббийи Антонио Конте шогирдларини ҳозир бу ўйин ҳақида ўйламасликка, бор эътиборни чемпионат ўйинларига қаратиш лозимлигини айтди.

“Қуръага муносабатимиз ижобий бўлиши керак. Бу босқичда ҳар қандай рақиб билан ҳам ўйнашга тайёр бўлиш лозим. Ҳали “Барселона” ҳақида ўйлаш учун фурсат етади. Лекин айни пайтда бунинг мавриди эмас. Бу нарса зарарга ишлаб қолиши ҳеч гап эмас”, — деди Конте.

Маълумот учун, АПЛнинг 16-туридан сўнг Антонио Конте жамоаси 32 очко билан Премьер-лига турнир жадвалида 3-ўринни эгаллаб турибди. Италиялик мутахассис ўз интервьюларининг бирида жамоаси чемпионлик учун курашдан чиққанлигини ҳам тан олган эди.