Андрей Микляев: "Гуруҳдаги кураш давом этади"
14 мар 2017 13:47
Новости

Андрей Микляев: "Гуруҳдаги кураш давом этади"

"Истиқлол" - "Локомотив" (2:0) учрашувидан сўнг Андрей Микляев ўз фикрларини билдирди.

"Бугун "Истиқлол"ни ғалаба билан табриклайман. Бугун иккала жамоа ҳам мухлисларга ёқадиган ўйин кўрсатишди деб ўйлайман. Майдонда кескин кураш кечди. Ўйин аввалида биз гол ўтказиб юбордик. Иккинчи таймда катта куч билан ҳужумга ўтиб ҳисобни тенглаштиришга уриндик. Аммо бунга эриша олмадик. Бундай мухлислар қаршисида ўйнаш "Истиқлол"га осон бўлди.

Ўз шогирдларимга ўйин учун раҳмат айтаман. Ҳали гуруҳда ҳеч нима аниқ бўлгани йўқ, олдимизда ўйинлар кўп.

Яна бир бор "Истиқлол"ни табриклайман", - дейди Андрей Микляев.