Андрей Мельничук - "Динамо"нинг май ойидаги энг яхши футболчиси
12 июн 2014 12:22
Новости

Андрей Мельничук - "Динамо"нинг май ойидаги энг яхши футболчиси

«Динамо» клуби расмий сайтида ўтказилган сўровнома якунларига кўра, кетма-кет иккинчи маротаба жамоа дарвозабони Андрей Мельничук «Ойнинг энг яхши футболчиси»га айланди.

Икки ҳафта давомида ўтказилган сўровнома натижаларига кўра, умумий 432 та мухлисдан 151 нафари (35%) апрель ойида бўлгани каби майда ҳам украиналик дарвозабон ва жамоа сардори Андрей Мельничука овоз берган.

Иккинчи ўринда қайд этилган ҳужумкор яримҳимоячи Санъат Шихов эса бу борада дарвозабонга жиддий «рақобат» уйғотди. Унга 145 та овоз (33,6%) берилган.

Учинчи ўринни эса жамоамизнинг тажрибали ҳужумчиси Зайниддин Тожиев эгаллади. Ушбу ҳужумчига 58 та овоз, яъни 13,4% фоиз овоз берилган.

Шунингдек, Абдулло Набиев (33), Азамат Бобожонов (24), Сирожидин Сайфиев (14), ва Илдар Маматказин (7) сингари футболчиларга овозлар берилган.

Ссылка :

Источник : fcdinamo.uz

Получайте новости прямо в Telegram!

Рейтинг: