Андижонда вилоят кубоги ғолиби аниқланди ФОТО
07 ноя 2018 16:30
Новости

Андижонда вилоят кубоги ғолиби аниқланди ФОТО

Теги : Андижон

5 ноябрь куни Андижон шаҳридаги Шўрбулоқ даҳасида жойлашган болалар ва ўсмирлар футбол академияси ўйингоҳида иккинчи табақа ҳаваскор жамоалари ўртасидаги вилоят кубоги мусобақаларининг финал учрашуви бўлиб ўтди.

Андижон вилоятининг 14 жамоаси иштирок этган мусобақанинг финал учрашувида “УзТонхонгКо” ҳамда Андижон футбол академияси жамоаси ўзаро куч синашдилар ва якунда “УзТонхонгКо” жамоаси 4:2 ҳисобида ёш футболчилар устидан ғалаба қозонди.
Учрашувдан сўнг бўлиб ўтган тантанали тақдирлаш маросимида ғолиб жамоага вилоят кубоги топширилди.

Вилоят футбол ассоциацияси биринчи вице-президенти Бекзодбек Каримов, вилоят жисмоний тарбия ва спорт бошқармаси бошлиғи Ўткирбек Тошпўлатов ғолиб совриндорни қутлаб, эсдалик совғалари топширдилар.

Элмурод Эрматов