RU

Последние новости

17:33“Бу оптимал таркиб эмас. Ҳакам қарорлари тўғри эди, мағлубиятни тан ола билиш ҳам керак" — Санъат Шихов Эрон билан ўйин ҳақида  4 17:18Тожикистоннинг икки терма жамоасида истеъфо юз берди  7 17:07"Ман Сити" ҳужумчиси жароҳат туфайли МЮга қарши ўйинни ўтказиб юборади  0 16:24"Интер" 2025/26 мавсум учун учинчи формани тақдим этди. У "2000-йилларда жамоани яхши кўрганлар ва бугун уни севувчиларга" бағишланган  2 15:49"Барселона" Хасбуллани "Камп Ноу"га таклиф қилди  4 15:18Бунақаси Месси фаолиятида биринчи марта юз берди  11 14:43Воҳа дербиси олдидан "Машъал"да катта йўқотишлар  1 14:15"Ювентус" узумзор акс этган формасини тақдим этди  2 13:42Суперлиганинг 21-турини ўтказиб юборадиган футболчилар рўйхати  4 13:19Роналду 30га кирганидан сўнг Португалия сафида 89 та гол урди  15 12:37Ибраима Конате "Ливерпуль"га уч марта "йўқ" деди. Клуб унинг "Реал"га ўтишига кўниб бўлди  10 12:15Бразилия ЖЧ саралашида 5-ўринни эгаллади – бу тарихидаги энг ёмон натижа  3 10:56Ла Лигада ким чемпион бўлади? "CIES" тахмин қилиб кўрди  6 10:30ФИФА президенти Қатардаги портлашларга муносабат билдирди  14 10:02Қизил карточка, эҳтимолий пенальти ва четлатиш. "Алё, рэф!" ҳакамларнинг Ўзбекистон - Эрон учрашувидаги қарорларини таҳлил қилди  36

"Андижон" билан ўйинда "Насаф"ни Бердиев эмас, катта эҳтимол Тошпўлатов бошқаради Новости

"Андижон" билан ўйинда "Насаф"ни Бердиев эмас, катта эҳтимол Тошпўлатов бошқаради

Хабарингиз бор, эртага Лига Кубоги доирасида "Насаф" жамоаси Андижонга сафар қилади.

Эртанги "Андижон" - "Насаф" ўртасидаги баҳсда қаршиликларни Рўзиқул Бердиев бошқармаслиги мумкин. Сабаби, айни пайтда Тошкентда мураббийларнинг Про лицензияси учун ўқув курслари давом эттирилмоқда. "Насаф" устози Рўзиқул Бердиев эса айни пайтда ўқув курсларида иштирок этмоқда.

"Насаф"ни эса Андижонга Бердиевнинг ёрдамчиси Шуҳрат Тошпўлатов олиб кетган. Агарда эртага ўқув курсидан Бердиевга жавоб беришмаса, Лига Кубоги доирасидаги баҳсда "Насаф"ни Шуҳрат Тошпўлатов вақтинча бош мураббий сифатида бошқариб тушиши мумкин. Бу ҳақда мураббийнинг ўзи сайтимиз ходими Шаҳбоз Беғамовга маълум қилди.

Суперлиганинг 13-тур доирасида Қаршида "Насаф" "Сурхон"ни 2:0 ҳисобида мағлуб этганди. Ўша беллашувда Рўзиқул Бердиев биринчи бўлим ўртасида майдондан чиқиб кетгани кўпчиликда савол уйғотганди. Мазкур ҳолат бўйича ҳам Рўзиқул Бердиев тушунтириш берди.

"Футбол эҳтиросларга бой ўйин. Учрашув вақтида эҳтиросларни жиловлай олмай қолиш мумкин. Раҳбарият билан ҳеч қандай муаммо йўқ. Ортиқча ҳавотирга ўрин йўқ. Мухлисларимиз жамоамиз кўрсатаётган ўйиндан роҳатланиб, футболдан завқ олиб, "Насаф" билан фахрланишлари керак. Ёш иқтидорлар билан ўйинимиз ҳам, натижаларимиз ҳам ҳозирча ёмон эмас. Фахрланса арзийдиган жамоамиз бор. Иккинчи даврада ҳам мухлисларимизни қувонтиришга ҳаракат қиламиз. Шу боисдан кўнгилни хотиржам қилишлари мумкин. Мен айни пайтда Про лицензияси бўйича ўқув курсларини давом эттирмоқдаман", - дея таъкидлаб ўтди "Насаф" бош мураббийи Рўзиқул Бердиев.

Эслатиб ўтамиз, "Сурхон"га қарши беллашувда Рўзиқул Бердиев биринчи бўлимда раҳбарият билан келишмовчилик сабаб ўриндиқни тарк этганди. Кейинчалик яна ўз жойига қайтган мутахассис учрашувдан кейинги матбуот анжуманида қатнашмай стадионни тарк этгани миш-мишларни янада авж олдирганди. 

Бироқ Бердиев сайтимиз ходими Шаҳбоз Беғамов билан бўлган суҳбатда ҳаммаси жойида эканлиги ва клуб ҳамда вилоят раҳбарияти билан тушунмовчиликлар бартараф этилганини алоҳида қайд этган.

Эртанги "Андижон"га қарши ўйинда Рўзиқул Бердиевнинг бориш ёки бормаслиги мураббийнинг ихтиёрида эмас. Агарда "Андижон" билан баҳсда "Насаф" бошқарувида Рўзиқул Бердиевни кўрмасангиз ортиқча ҳавотирланишга ўрин йўқ. Чунки мураббий айни пайтда Тошкентда Про лицензия бўйича ўқишни давом эттирмоқда.

Қайд этиш керакки, Қаршининг "Насаф" жамоаси Суперлиганинг биринчи даврасидан сўнг 21 очко тўплаган ҳолда 3-ўринни "Навбаҳор", "Бунёдкор" ва "Сурхон" жамоалари билан бўлишиб турибди. Лига Кубогида эса жамоа биринчи турда Қаршида "Навбаҳор" жамоасини йирик ҳисобда тор-мор келтирганди ва эртага иккинчи тур доирасида "Андижон" меҳмонига айланади. Ўзбекистон Кубогида эса "Насаф" Фарғонанинг "Истиқлол" жамоасини мағлуб этиб нимчорак финалга йўл олганди.

Рейтинг: +64   

Комментарии

championat.asia
< посмотреть последние новости
Яндекс.Метрика