Россиянинг амалдаги чемпиони "Локомотив" VAR тизимини сотиб олмоқчи

Россия Футбол Иттифоқи назоратчиси Юрий Чеботарев "Локомотив" клуби ўз стадионида VAR тизимини ўрнатишни режалаштираётганини гапириб ўтди.

- "VAR - жуда қиммат турадиган ускуна. Бу тизимни ўрнатишга барча жамоаларнинг ҳам имконияти етмайди. Ҳа, бу тизим футболда учрайдиган жуда кўплаб баҳсли ҳолатларга ечим бўлади. Аммо ҳозирги кунда бу тизимни барча клублар ҳам сотиб олишга тайёр эмас. Фақатгина "Краснодар" ёки "Спартак" бу борада "Локомотив" йўлидан кетиши мумкин. VAR тизимининг афзалликлари жуда кўп. Аммо футболда доимо баҳсли ҳолатлар бўлган ва бундан кейин ҳам шундайлигича қолади. Бу тизимни ўрнатиш Россия Премьер лигасига осон бўлмайди. Гап фақат технологияда эмас, балки уни қандай ишлатишни билиш лозим. Тизим талабига жавоб берадиган мутахассислар жалб этилиши керак бўлади. Бу ишга фақат ва фақат ўз ишининг усталари, мутахассислари жавобгар бўлиши лозим. Тизим қанча туриши ҳақида аниқ маълумотга эга эмасман. Аммо шуниси аниқки, гап миллион долларлар атрофида кетмоқда. Бу нарх шунчаки ускуна, тизимни қиймати. Бундан ташқари керакли мутахассислар, тизимни бир текисда ишлашини таъминлайдиган кадрлар зарур бўлади. Тизимни жорий қилиш учун жуда катта маблағ сарф этилиши лозим", - дейди Юрий Чеботарев.