Аллегри "Милан"га қайтди
30 мая 15:24
Новости

Аллегри "Милан"га қайтди

Массимилиано Аллегри яна "Милан" бош мураббийи.

Мутахассис мураббийлик вазифасида Сержиу Консейсауни ўрнини эгаллади.

Олдинроқ, италияликнинг клуб билан шартномаси 3 йилга мўлжалланганлиги ҳақида хабарлар эълон қилинган эди. Йиллик маош 5 миллион евро, бонус тўловлари эса 2 миллион еврони ташкил этади.

Аллегри "Милан"ни 2010 йилдан 2014 йилгача бошқарган эди. Унинг раҳбарлигида жамоа А Серия чемпиони бўлди ва Италия Суперкубогини қўлга киритди.

Массимилианонинг сўнгги иш жойи "Ювентус" эди. У жамоани 2024 йилда тарк этган.

Мавсумни Паулу Фонсека билан бошлаган "Милан" А Серияда 8-ўринни эгаллади ва евроубокларга чиқа олмади. 2024 йил 30 декабрда жамоани қабул қилган Консейсау Италия Суперкубогини ютиб олди, лекин Италия Кубоги финалида "Болонья"га ютқазди.