Алиссон ғалабани фейстайм орқали нишонлади
02 июн 2019 08:48
Новости

Алиссон ғалабани фейстайм орқали нишонлади

ЕЧЛ финалидаги ажойиб ғалабадан кейин “Ливерпуль” посбони Алиссон Беккер кубокни боши узра баланд кўтариб, ўзига тегишли олтин медални қўлга киритгач, “Ванда Метрополитано” чимига ўзига қулай тарзда мослашиб, турмуш ўртоғига телефон қилишга тушди.

Футболчининг оиласи ҳал қилувчи финал учрашувига ташриф буюрмади. Сабаби яқин кунларда уларнинг оиласида янги фарзанд дунёга келиши кутилмоқда. Ушбу жуфтликнинг тўнғич фарзанди Хелена эса икки ёшни қарши олган.

Алиссон рафиқаси билан ёшлигидаёқ танишган. Жуфтлик бошқалардан фарқли равишда ўзларини кўз-кўз қилишини ёқтиришмайди, шу боис уларнинг “севги қиссаси” ҳақида кам маълумотлар мавжуд: улар Порту Аллегрида қўшни бўлишган. Дастлаб дўстлашишган ва бу кейинчалик мустаҳкам севгига айланган. Мактабдан кейин Наталья тиббиёт университетига ўқишга кирган, Алиссон эса Чемпионлар кубогини ютиш учун астойдил ҳаракатни бошлаган. 2015 йилда улар никоҳдан ўтишган, аммо бу ҳақда фақат уларга яқин кишилар хабардор бўлишган, холос. Ушбу никоҳга орадан бир йил ўтибгина, жуфтлик ижтимоий тармоқлар орқали оммага маълум қилишган.