Александр Гейнрих: «Ғалаба бутун жамоаники»

— Александр, рақиб ҳақида нима дея оласиз? Исландия клубига қандай баҳо берасиз?
— Жамоа ҳимояда жуда яхши ўйнади. Ҳужумда эса у қадар муваффақиятли ўйнашмади, бир иккита стандарт вазият бўлди ҳолос. Биз рақибимиз бундай ўйин ташкил этишини билардик, сабаби улар сўнгги ўйинларда гол ўтказишмаётганди. 

 — Сўнгги сонияларда жамоаингизга пенальти ишлаб берганингизда қандай ҳиссиётлар ўтди?
— Ўша вазиятда қандайдир ғайриоддий ҳисни туйганим йўқ. Ахир футбол бу биринчи навбатда жамоавий ўйин ва ғалаба бутун жамоа хизматлари эвазига қўлга киритилди.

— Жавоб учрашуви олдидан нима кутаяпсиз?
— Қийин ўйин бўлади. Ишончим комил рақиб кўпроқ олдинга ўтади, биз эса уларни албатта «жазолаймиз».