Александр Ежов: "Хоразм"га ёрдам бериш мақсадида қайтдим"

"Йигитлар ҳаяжонлангани сезилиб турди. Чунки, бир неча учрашувдан бери ғалаба қозона олишмаяпти. Ишлашда олдинга интилишда давом этамиз. Футболчилар билан гаплашиб оламиз, бизга ғалаба керак. "Истиқлол"ни ғалаба билан табриклайман. Ютса жамоа ютади, мағлубиятга доим мураббий айбдор бўлади. Қисқа вақт ичида тайёргарлик кўрдик. Ишлашда давом этамиз, "Хоразм"да футбол ўсмоқда. Йигитлар билан бўлажак режалар, мақсадлар ҳақида гаплашамиз. Биз ҳозир бир мунча қийин ҳолатдамиз, вазиятни ўнглашга ҳаракат қиламиз.

Ҳимоядаги ҳаракатларимизда кўп хатоларга йўл қўймоқдамиз. Биринчи галда ҳимоядаги муаммоларни ҳал қилишимиз керак. Боиси олдинги ўйинларга назар солсак жуда кўп гол ўтказиб юборганмиз. Қисқа вақт ичида ҳар томонлама тайёр ҳолатга келишимиз лозим. Мухлислар "Хоразм"дан ғалабалар кутишмоқда, мавсумни бунчалик ёмон бошламаганмиз илгари.

Биз қорақалпоқлик ёки бошқа деб ажратмаймиз. Ҳаммамиз Ўзбекистон фуқаросимиз. Бугун ҳаракат қилган қорақалпоғистонлик футболчиларга эътирозим йўқ, яхши ўйнашди. Фақат жисмоний томондан камчиликлар бор. Ишлаймиз, олдинга қараб ҳаракат қиламиз. Ўз вақтида бу вилоятдан кўп юлдуз футболчилар етишиб чиққан. Неъматулла Қуттибоев, Мақсатулла Қуттибоевларни ҳурмат қиламан. Дамир Низанов техник томондан ёмон футболчи эмас. Фақат жисмоний ҳолатини яхшилаши керак. Бу умумий жамоага

"Оқ-тепа" жамоаси раҳбарлари Ғанишер ака Шоғуломов, Алишер Шоғуломовга вазиятни тўғри тушуниб мени қўйиб юборишгани учун раҳмат айтаман. "Хоразм"га ёрдам бериш мақсадида, турнир жадвалидаги ҳолатимизни яхшилаш учун келдим",- дейди Ежов.