Афсонавий дарвозабон Хитойда болаларни шуғуллантиради ФОТО

Бу ҳақда у ўзининг твиттердаги саҳифасида ёзган.

"Гуанчжоу Эвергранд" футбол академияси билан 5 йиллик ҳамкорлик борасида хабар беришдан мамнунман. Мақсад - Хитойда мактабларни ривожлантириш ва болаларга "Аякс" фалсафасини сингдириш", - деб ёзди ван дер Сар.

Афсонавий кипер Эдвин ван дер Сар расман "Гуанчжоу Эвергранд" билан 5 йиллик шартнома имзолади.

Хитой чемпиони билан тузилган шартнома ва ана шу тадбир билан боғлиқ маросимлардан кейин ван дер Сар кечқурун меҳмонхона олдида мухлисларига дастхат ҳам қўйиб берди ва улар билан бирга суратга тушди.

Шу тариқа, дарвозабон Хитойни тарк этди. Тез орада, Сар ўз вазифасини бажаришни бошлаш учун "Чин юрти"га қайтади.