Абрамов ва Лушан бир-бирларига илиқ муносабатда бўлишди

Шу муносабат билан бугун ЎФФ биносида финалдан олдинги матбуот анжумани ташкил этилди. Унда дастлаб “Бунёдкор” бош мураббийи Сергей Лушан ва жамоа сардори Хайрулла Каримов, ундан кейин “Локомотив” бош мураббий Вадим Абрамов билан клуб ҳимоячиси Ислом Тўхтахўжаев иштирок этишди.

Матбуот анжумани бошланмасидан олдин ҳар иккала жамоа мураббийлари бир-бирлари билан кўришиб ўзаро илиқ муносабатда бўлишди. Вадим Карленович бирмунча ҳазилкаш эмасми, ўзини анча қувноқ тутди. Шунингдек, Сергей Лушан ҳам ўзини бамайлихотир тутиб, Абрамов билан самимий муносабатда бўлди. Эртага эса ҳар иккала мураббий бир-бирларига рақиб бўлишади. Ким ғалаба қозонишни эса ўйин якунига етгач, билиб оламиз.