Абдуллоҳ ал Идриси: "Ғалаба қозонишни жуда хоҳлагандик"

 
"Ғалаба қозонишни жуда хоҳлагандик, бунинг учун охиригача ҳаракат қилдик, аммо рақиб дарвозасига тўп кирита олмадик. Лекин ўз дарвозамиз дахсизлигини сақлаб қолганимизни ҳам айтиб ўтиш жоиз. Ўзбекистонлик ўсмирлар менда илиқ таассурот қолдирди. Уларга қарши кураш олиб бориш осон кечмади", - дейди марокашликлар бош мураббийи.

-   Жамоангиз гуруҳдаги охирги учрашувни айтсайдер Панамага қарши ўтказади. Бу ўйинда ғалаба кафолатланганми?
-Ўйлайманки, биз билан баҳсда Панаманинг зафар қучишига ҳеч ким ишонмайди. Шундай экан, ҳозирданоқ уч очко чўнтагимизда дейиш мумкин. Бугун нима учун гол ура олмаганимиз хусусида албатта бош қотириб кўрамиз ва шундай сўнг Панма билан кечадиган учрашувга ҳозирлик кўрамиз.

Х.Холиқов ёзиб олди.