Аббос Эргашев: "Янгиер" ва "Бухоро" ўртасидаги фарқ сезилгани йўқ"

- "Бухоро" - Суперлига жамоаси. Учрашувга рақибнинг даражасини ҳисобга олган ҳолда тайёрландик. Ўйинда Суперлига ва Биринчи Лига ўртасидаги фарқ сезилмади, жамоамиз ўз ўйини билан бу гапларни олиб ташлади ва бор кучи билан ҳаракат қилди.  Ёмон ўйин кўрсатмадик, деб ўйлайман. Қўл остимиздаги жамоа футболчиларидан борича фойдаландик. 

- Суперлига жамоасига қарши ўйин кўрсатишда нималарга эътибор бердингиз?

- "Бухоро"га янги бош мураббий келганидан кейинги ўйинларини томоша қилиб чиқдик. Улар кўпроқ позицион ўйин кўрсатишга ва кўпроқ услублардан фойдаланишга ҳаракат қилишяпти. Шунга қараб тайёрландик. Жамоамиз бош мураббийи Жаҳонгир Жиямуродов бетоблиги сабабли ўйинга кела олмади. Жамоани ўйинга тайёрлашда бош мураббийнинг ўрни катта бўлди. 

- Сўнгги турларда яхши ўйин намойиш қилган Абдумутал Турсунқуловни иккинчи бўлимда майдонга туширишдан мақсад нима эди?

- Бугун таркибни шундай туздик. Иккинчи бўлимда кўпроқ ҳужум қилиб, ғалаба қозонмоқчи эдик. 

- Эшитишимизга қараганда, Жаҳонгир Жиямуродов жамоани шуғуллантирмаяпти ва у жамоадан кетган экан.

- Бу гап ҳақида ҳеч нима билмайман. Жамоанинг бош мураббийи Жаҳонгир Жиямуродов. Агарда бирор янгилик бўлса, эълон қилинади.