RU

Последние новости

01:49А Серия. "Милан" мавсумдаги илк ғалабасини қўлга киритди  0 01:19"Манчестер Юнайтед" Антонини сотишга рози бўлди  1 00:58Саудия Арабистони. Роналдудан 940-гол, Феликсдан хет-трик: "Ал Насср" мавсумни йирик ғалаба билан бошлади  4 00:17Лени Йоро: "Манчестер Юнайтед" "Арсенал"га қарши зўр ўйнади, "Фулхэм" билан ўйинда омад етишмади"  5 23:59Саудия Арабистони. "Ал Ҳилол" мавсумни ишончли ғалаба билан бошлади  2 23:46"Ливерпуль" ва "Рома" келишувга эришди  0 23:25"CAFA Nations Cup-2025". Эронда ғалаба, Тожикистон Ҳиндистонга ютқазди  0 22:55Суперлига. "Динамо" — "Андижон" ўйини 15 ноябрь куни ўтказилади  1 22:30"CAFA Nations Cup-2025". Тожикистон уйда Ҳиндистонга ютқазди   4 21:45Жалолиддин Машарипов: "Янги мураббийни кучлироқ ўйинларда яхшироқ билиб оламиз, Осиё жамоаларини мураббийсиз ҳам ютганмиз"  29 21:20Жамшид Искандеров: "Ҳужумкор ўйнаймиз, лекин ҳар бир рақибни ҳурмат қиламиз"  5 21:00Бир ўйин тарихи. Ўмон - Ўзбекистон 4:2. Футболимиз тарихидаги энг ғалати мағлубият қандай юз берганди?  20 20:30Бир ўйин тарихи. Ўмон Ўзбекистонни Олмалиқда қандай мағлуб этганди? Аҳмедов дебют қилган, ПСЖ собиқ мураббийи Қосимовни енгган ўйин  2 20:06Интервью. Валерий Кичин: "Бухоро" кубокда сенсация қилса керак, "Нефтчи" чемпионликни қўлга киритиши мумкин"  4 19:39"Челси" собиқ футболчиси фаолиятини "Севилья"да давом эттиради  0

"8+3". Кападзе, Тўраев ва Шакер Зуаги — Жалолиддинов энг яхшиларни айтди (8-сон) Новости

"8+3". Кападзе, Тўраев ва Шакер Зуаги — Жалолиддинов энг яхшиларни айтди (8-сон)

"8+3" рукни давом этади.

Бу гал биз "Локомотив" ярим ҳимоячиси Жасур Жалолиддинов билан суҳбатлашдик. Унга футболга оид 8та, футболдан ташқари 3та савол билан мурожаат қилдик.

- Сиз ўйинларини бевосита кузатган энг кучли футболчи ким?

- Стадиондан кузатганларим орасида Омар Абдулраҳмон, телевизордан кўрганларим ичида, шубҳасиз, Лионель Месси.

- Сиз кўрган энг чиройли гол қайси?

- Менга жарима зарбасидан урилган голлар кўпроқ ёқади. Шу туфайли Мессининг "Ливерпуль"га, Лутфулла Тўраевнинг АГМК дарвозасига киритган тўпи.


- Ўзбек футболидаги энг кучли мураббий ким?

- Тимур Кападзе.

- Микаэль Секейранинг маҳаллий мутахассислардан фарқи нимада?

- У бутунлай бошқа дунё. Ҳаддан ошиқ талабчан ва мураккаб инсон. Унинг тактикасига мослашиш ўзбек футболчилари учун қийин бўлди. Агар йил охирида кетиб қолмаса, келаси йил чемпион бўлиш потенциали бор.

- Ўзингиз ўйинларини кузатган футболчилар орасидан рамзий терма жамоа тузиб беринг (ўзбек ва жаҳон футболи аралаш бўлсин).

- Эдуар Менди - Антонио Рюдигер, Ислом Қобилов, Иброҳимҳалил Йўлдошев, Канселу - Родри, Бускетс, Лутфулла Тўраев, Месси, Роналду, Элдор Шомуродов.

Мураббий: Пеп Гвардиола.

- Ўзбек футболи қироли сифатида кимни кўрсатасиз?

- Миржалол Қосимов.

- Нечанчи йиллардаги терма жамоамиз барча даврларнинг энг кучлиси эди?

- Сервер Жепаров, Одил Аҳмедов, Кападзелар ўйнагани.

- Суперлигада ўйнаган энг яхши легионер ва маҳаллий футболчиларни айтинг.

- Легионерлар Драган Черан ва Шакер Зуаги, маҳаллий футболчи - Темурхўжа Абдуҳолиқов.

- Фаолиятингиз давомидаги энг ёрқин хотира.

- Малайзиядаги болалар турнирида гуруҳ босқичидан чиқиб, "Пари Сен-Жермен" устидан ғалаба қозонганимиз. Ўша баҳсда ҳисобни тенглаштирувчи голни ургандим (жарима зарбасидан). Пенальтилар серияси ҳам ажабтовур бўлган. 1-зарбани ҳам, ҳал қилувчисини ҳам мен йўллагандим. Жуда ёқимли бўлган.

- Ҳеч ёдингизда қолган мақтов ва танқидни айтинг.

- Мақтовларга кўп бўлади, лекин тезроқ унутишга ҳаракат қиламан. Танқидлардан эса "Локомотив"га ўтган давримда айтилган гапларни сира унутмайман. Ўшанда агентларнинг менга айтаётган гапи ва матбуотда ёзилаётганлар мутлақ тескари эди. Роса қийналганман, кимга ишонишни билмай қолган пайтларим ҳам бўлди. Шукр, барчаси ортда қолди.

- Жасур Жалолиддинов учун бахт нима? 

- Футболга бўлган муҳаббат, яшил майдонда тўп тепиш. Уйдагиларим мени футболчи бўлишимни орзу қилишарди. Уларни бу орзусини амалга оширганим учун хурсандман.

"8+3". "Станоевич ва Карачик — Ўзбекистондаги энг кучли футболчилар" (7-сон)

Рейтинг: +1   

Комментарии

championat.asia
< посмотреть последние новости
Яндекс.Метрика