"Бухоро" катта трансфер остонасида

Маълум бўлишича, Қозоғистон чемпионатининг "Ордабаси" жамоаси шарафини ҳимоя қилиб келган Александр Гейнрихнинг клуби билан тузган шартномаси ниҳоясига етган.

Хабарларга кўра, Гейнрих келаси мавсумдан бошлаб Олий лигада фаолиятини давом эттириши мумкин.

"Бухоро" бош мураббийи Улуғбек Бақоев жамоага Александр Гейнрихни таклиф этмоқчи.
Гейнрих янги мавсумда "Бухоро" тўпурари Иван Нагаевни ўрнини тўлдириши кутилмоқда.

Клуб бу борада ўзига хос рокировкани амалга оширишга яқин.
Нагаев Қозоғистонга, Гейнрих эса "Бухоро"да.

Ўзбекистон терма жамоасига таклиф этилган Иван Нагаев келаси йили фаолиятини Қозоғистон чемпионатида давом эттириш эҳтимоли юқори. Ҳозирча қайси клуб унга қизиқаётганлиги номаълум.

Шунингдек, "Бухоро" жамоаси янги мавсумда ўз таркибига собиқ футболчиси, жорий мавсумни "Атирау"да ўтказаётган Шавкат Саломовни қайтариши мумкин.