1 июнь кунига бағишлаб болалар ўртасида фестивал бўлиб ўтди

Шу муносабат билан Тошкент Шаҳар футбол федерацияси 2008 йилда туғилган болалар ўртасида фестивал ўтказди. "Ёшлик" спорт аренасида бўлиб ўтган фестивалда "Пахтакор" жамоасининг 2008 йилда таваллуд топган ёш футболчилари иштирок этишди. Жами тўрт жамоа ўзаро беллашдилар. Фестивалда натижага эътибор қаратилмади. Барча учрашувлар якунига етгач, энг яхшиларга махсус соврин ва фахрий ёрлиқлар топширилди. Бундан ташқари, ҳар бир иштирокчи болакай фахрий ёрлиқ билан тақдирланди.

Фестивал ҳақида Тошкент Шаҳар футбол федерацияси мусобақалар ўтказиш бўлими бошлиғи - Хожиакбар Отажонов ўз фикрлари билан ўртоқлашди:
"Бугунги фестивални "Халқаро болаларни ҳимоя қилиш куни" муносабати билан ташкиллаштирдик. Ушбу фестивалда "Пахтакор" жамоасининг 2008 йилда таваллуд топган ёш футболчилари қатнашишди. Тадбирдан кўзланган асосий мақсад - болаларда футболга бўлган қизиқишни янада ошириш, спортга бўлган меҳрини орттириш ва уларни руҳлантириш", - деб айтиб ўтди Хожиакбар Отажонов.

Фестивал фотогалереясини қуйидаги линкда томоша қилишингиз мумкин.